jueves, 10 de julio de 2025
O presidente da Xunta, Alberto Núñez Feijóo, anunciou a creación do Consello Galego de Industria para coordinar con todos os axentes implicados as políticas públicas relacionadas cos sectores produtivos e centralas fomentar na creación de emprego.
Somos conscientes de que a industria galega precisa dun novo impulso e dunha nova estratexia de actuación que lle permita traballar cada vez con maior intensidade no ámbito da innovación e no ámbito da internacionalización, afirmou Feijóo, quen lembrou que este Consello Galego de Industria, o primeiro que se crea, deriva da Lei de Política Industrial recentemente aprobada. Así mesmo, defendeu a conveniencia de contar con todas as ópticas e, en consecuencia tamén, con todos os axentes implicados.
Segundo afirmou, este organismo traballará en tres eidos clave que temos detectado: a innovación, a internacionalización e a mellora da competitividade. Con respecto da innovación, avanzou que se seguirán os principios recollidos no Plan Galego de Investigación, Innovación e Crecemento 2011-2015. Sobre a internacionalización, avanzou que se abordarán as estratexias das empresas para reorientalas a mercados exteriores con especial énfase en determinados países iberoamericanos. E, finalmente, en relación coa competitividade, apuntou que se actuará axeitando o dimensionamento competitivo, así como poñendo á disposición das empresas galegas infraestruturas físicas, infraestruturas tecnolóxicas e infraestruturas enerxéticas.
O presidente da Xunta salientou que o Consello Galego de Industria contará coa presenza de representantes da Consellería de Economía e Industria, da Consellería de Medio Ambiente, Territorio e Infraestruturas, e da da Consellería do Medio Rural e do Mar, baseada esta última en que queremos que o sector primario sexa fundamental nas políticas industriais nesta lexislatura. Do mesmo xeito, remarcou que estarán representados no organismo as organizacións sindicais e empresariais e determinadas entidades locais e colexios profesionais.
Entre as función do Consello Galego de Industria, Feijóo destacou as de emitir informes, realizar propostas e elaborar estudos nas materias nas que se requira, así como a creación de grupos de traballo coa participación de expertos de recoñecido prestixio nos ámbitos correspondentes.
O titular da Xunta enmarcou a creación do Consello Galego de Industria na aposta do Goberno galego por loitar contra os efectos da crise nos sectores fundamentais da economía galega. Referiuse así a que o Goberno galego investiu xa 120 millóns de euros nun plan integral de apoio directo aos sectores da automoción en Galicia, co resultado de que tanto a PSA Citröen como as empresas auxiliares están empezando a mellorar a súa competitividade, ao pasar dos 297.000 vehículos fabricados en 2012 aos 400.000 previstos para 2013.
Subliñou tamén o investimento de 100 millóns no desenvolvemento do sector naval, a través de avais ou préstamos, e políticas que están dando froitos como a alianza con Pemex, ou a diminución da incerteza no sector naval coa solución do tax lease. Así mesmo, Feijóo puxo en valor o apoio dado ao sector enerxético, coa Lei de aproveitamento eólico e o novo concurso nese eido.
O Festival Abanea celebrará entre o 16 e o 20 de xullo a súa cuarta edición cun programa de danza contemporánea de distintos estilos que distribuirá 15 funcións de nove compañías entre os concellos de Ames, Outes, Marín, Foz e Celanova. ISMO Cultura, colectivo organizador do encontro, estenderá así a súa actividade de exhibición e dinamización ás catro provincias. A bailarina Andrea Castro presentou a primeira fase do espectáculo Lola y los lamentos, como artista seleccionada para o acompañamento bienal 20252026 co que o festival apoia procesos de creación de artistas emerxentes e que nesta edición terá como resultado a estrea de 'A mona de seda'.
As diversas actividades do festival terán lugar do 28 de xullo ao 1 de agosto no claustro do Mosteiro de San Salvador de Celanova. A actuación que inaugurará a cita será a da Banda de Música de Celanova con James Morrison, un concerto único en España que terá lugar ás 20,30 horas. Ademais deste, subirán ao escenario a Boston Brass de Estados Unidos, Abraham Cupeiro coa Orquestra Gaos e pechará a edición o Hércules Brass Ensemble dirixido por Isabel Rubio e coa Boston Brass e Adam rapa como solistas. Así, os concertos complementaranse con cinco días de actividades formativas para un centenar de estudantes procedentes de distintas comunidades autónomas. Clases de alto nivel da man dalgúns dos participantes nas actuacións e un seguimento continuo e individualizado que garante un acompañamento pedagóxico para o alumnado que xa leva participado en varias edicións consecutivas do festival.
