martes, 11 de agosto de 2026
O presidente en funcións da Xunta, Alberto Núñez Feijóo, avanzou na rolda de prensa do Consello que, unha vez encamiñado o futuro do tax lease, o compromiso do Goberno galego é seguir traballando, por un lado, co Goberno central, para que efectúe todos os trámites necesarios para a entrada en vigor deste sistema; e para que Bruxelas se manifeste con axilidade sobre a non retroactividade das axudas percibidas polo sector, en base á confianza lexítima dos armadores e en base á confianza lexítima dos estaleiros. Os estaleiros e os armadores cumpriron a normativa española e, en consecuencia, ese principio de confianza lexítima de cumprir a lei ten que prevalecer sobre calquera outra continxencia. Esperamos e desexamos que ese principio de confianza lexítima teña por parte das autoridades de Bruxelas o alcance e contido que debe ter en dereito.
Feijóo afirmou que coa aprobación do tax lease pola Unión Europea, temos dado un paso sen o cal o sector naval galego non tiña ningún futuro. Ábrese dixo- unha fiestra de esperanza para o sector naval sen a cal non era posible competir en termos de eficiencia nos prezos finais dos buques construídos na comunidade autónoma galega.
O presidente do Goberno galego reiterou o agradecemento ao sector e ao Goberno central. Ao sector porque estivemos traballando xuntos e tivemos perseveranza e determinación para atopar unha solución legal e que satisfixese as necesidade económicas dunha competitividade en igualdade co resto dos estaleiros europeos. E, agradecemento ao Goberno central por aceptar a proposta que pactamos co Ministerio de Facenda e co Ministerios de Industria, coordinados pola vicepresidenta do Goberno, e hoxe, podemos dicir que ese espírito de colaboración e lealdade foi asumible por Europa.
Diante deste panorama, Feijóo avogou por que ese espírito de colaboración e lealdade siga inspirando ás distintas dificultades que vaiamos tendo nos sectores produtivos; lealdade e colaboración co Goberno central para atopar solucións e para atopar respostas.
Neste sentido, lembrou que nesta lexislatura que remata, non fomos capaces de sensibilizar ao Goberno socialista da importancia do sector naval. O problema do tax lease xurde en maio de ano 2011 e a lexislatura finaliza en decembro do ano 2011, con este asunto pendente e sen ningunha solución. Empezamos a traballar remitindo á UE un documento e empezamos a traballar, por suposto, consensuando ese documento co novo Goberno de España. E o resultado foi que, hoxe, temos unha solución legal europea para poder competir co resto dos estaleiros de Europa.
A loita contra os incendios forestais suma un novo aliado tecnolóxico ao servizo de toda a sociedade. A aplicación móbil ALume, deseñada para facilitar que calquera persoa poida dar a alarma sobre un foco de lume de forma inmediata e precisa, xa se atopa plenamente operativa e dispoñible para a súa descarga de balde nas plataformas Android e iOS. O obxectivo principal desta ferramenta é potenciar a detección temperá dos incendios forestais. Nunha emerxencia no monte, os primeiros minutos son decisivos para evitar que un foco inicial se converta nun gran incendio; por iso, ALume nace para acurtar os tempos de aviso e facilitar ao servizo de extinción datos exactos antes de despregar os medios sobre o terreo. Cabe sinalar que a aplicación leva xa 7.000 descargas e 200 notificacións que axudaron ao operativo.
Un dos grandes atractivos desta undécima edición será a estrea de dez novos espectáculos, todos eles impulsados por compañías galegas, un dato que evidencia o dinamismo creativo do sector dos monicreques na Comunidade. A programación abrirase coa nova versión de A festa dos títeres, presentada por Viravolta, Vai de Roda e Títeres Alakrán, para continuar coa estrea de Treco-lerias, de Trécola Producións, e A rosa de papel, adaptación ao teatro de monicreques do texto de Valle-Inclán realizada por Alakrán.
