miércoles, 17 de junio de 2026
O presidente en funcións da Xunta, Alberto Núñez Feijóo, referiuse á reunión entre Rajoy e Rousseff, que se celebra o luns 19 de novembro, como unha oportunidade para introducir na axenda bilateral entre España e Brasil os intereses de Galicia na industria naval e no sistema portuario galego. Consideramos que a próxima visita da presidenta de Brasil é un momento excepcional para poñer en valor o resultado da viaxe que acabamos de facer a este país. E, do mesmo xeito que o presidente Rajoy participou de forma directa na consecución dunha alianza estratéxica coa empresa de Petróleos Mexicanos Pemex, pensamos que hai unha oportunidade para introducir na axenda bilateral entre España e Brasil os intereses de Galicia na industria naval e, tamén, no sistema portuario galego, aseverou.
Logo de que o Consello da Xunta coñecese, hoxe, o informe sobre o balance da recente viaxe oficial do presidente autonómico a Brasil, e na que se puido constatar a oportunidade de negocio real no sector naval e no eido portuario galego con ese país; Feijóo precisou que o Goberno galego remitirá dito informe de forma inmediata á Moncloa, con tres puntos fundamentais: unha relación con vocación de continuidade entre Brasil e a industria naval de Galicia, para explorar construción e reparación de barcos, formación de persoal dos estaleiros brasileiros e transferencia de tecnoloxía de estaleiros galegos á industria naval de Brasil; a posible implantación de empresas brasileiras en portos de Galicia, nos cinco portos de interese xeral de Galicia; e organizar conxuntamente unha misión comercial, co visto e prace do Goberno de España, de estaleiros brasileiros, de armadores brasileiros para coñecer a industria naval de Galicia, tanto a privada como a pública.
Vamos a promover un informe que remitimos de forma inmediata á Presidencia do Goberno para buscar un acordo estable no eido naval; unha posible implantación nos portos de Galicia e para organizar conxuntamente unha misión comercial desde Brasil a Galicia, no que se refire á industria naval, explicou a modo de resumo.
Ao longo da súa intervención, Feijóo resaltou que, durante a súa viaxe a Brasil, detectáronse 4 necesidades obxectivas e, polo tanto, 4 oportunidades para Galicia: construción de novos buques off-shore, buques de alto contido tecnolóxico, detectamos dixo- unha oportunidade de ata 500 barcos de apoio loxístico ás plataformas petrolíferas e ás plataformas sonda; 500 barcos entre os anos 2013-2016, horizonte 2020; posibilidade de reparación de buques; transferencia de tecnoloxía; e procesos de formación a miles de persoas, xa que Brasil está construíndo novos estaleiros para facer as súas plataformas petrolíferas e as súas plataformas de sonda de exploración.
Feijóo lembrou que a empresa dos Petróleos Brasileiros Petrobras é unha multinacional con presenza en 28 países; a quinta empresa máis importante do mundo do sector da enerxía; e cuxo valor da marca Petrobras ascende a máis de 10.000 millóns de dólares. Así mesmo, subliñou que co descubrimento do xacemento petrolífero de pre-sal, cunha superficie aproximada de 149.000 quilómetros cadrados, Brasil poderase colocar entre os 5 países de maior produción petrolífera do mundo.
Diante deste panorama, afirmou que o obxectivo é que Brasil vexa en Galicia unha oportunidade para as súas necesidades, tanto no campo da construción como unha oportunidade polos coñecementos tecnolóxicos e, tamén, pola posición xeoestratéxica de Galicia desde o punto de vista portuario.
A Mostra Internacional de Teatro de Ribadavia reunirá do 17 ao 25 de xullo 25 espectáculos procedentes de Galicia, Portugal, Francia, México e diferentes comunidades autónomas, nunha 42ª edición atravesada pola creación contemporánea, a diversidade de linguaxes e formatos, a memoria histórica, a música en directo e a capacidade da escena para activar pensamento crítico e experiencia colectiva. Entre estas propostas figura A Fortaleza, da compañía A Feroz, coproducida polo Centro Dramático Galego e o festival FITEI do Porto. A obra, dirixida pola portuguesa Raquel Sousa e con dramaturxia de Lorena Conde e da propia Sousa, recupera a memoria das guerrilleiras antifranquistas galegas a través da figura de Consuelo Rodríguez López, Chelo.
O Festival de Música Antiga e Barroca Ateneo Barroco celebrará do 6 ao 20 de outubro a súa oitava edición cun programa articulado arredor da música antiga, os instrumentos históricos, a divulgación e o encontro co público. O certame compostelá ofrecerá seis concertos en diferentes espazos da capital de Galicia, ademais de cinema documental, unha conferencia, unha acción de improvisación, un club de lectura e varios encontros cos artistas. A programación principal de Ateneo Barroco desenvolverase en espazos como a Igrexa da Universidade, o Teatro Principal, o Salón Teatro e o Paraninfo da Universidade. O calendario de recitais abrirase con Lina Tur Bonet e Bach, partita, sonata, e continuará con Ars Atlántica, Resonet, Arc & Volta e Bertrand Cuiller, antes do peche con Accademia del Piacere e Fahmi Alqhai en In dulci jubilo.
