viernes, 17 de abril de 2026
O presidente da Xunta, Alberto Núñez Feijóo, informou que Galicia leva aforrado o redor de 50 millóns de euros na factura farmacéutica entre xaneiro e setembro deste ano, o que representa unha diminución do do 8,79 por cento sobre o mesmo gasto de 2011, onde o aforro acadou os 100 millóns de euros para todo o exercicio. Só no mes de setembro, que é o último mes que temos pechado, as receitas facturadas reducíronse un 17,8%, a baixada do gasto farmacéutico foi do 22,13% e o gasto medio por receita xa é inferior a 12 euros. Está en este momento en 11,75 euros, o que supón unha baixada de gasto medio por receita superior ó 5%, explicou o presidente segundo os datos dun informe que a Consellería de Sanidade presentou ante o Consello da Xunta.
Feijóo avanzou que na próxima lexislatura que agora comeza Galicia continuará na senda da racionalización e da eficiencia do gasto farmacéutico, xa que estas políticas garanten ter capacidade e ter recursos para diminuír as listas de espera e para cumprir os compromisos de infraestruturas hospitalarias e infraestruturas de centros de saúde.
Segundo o presidente, o catálogo priorizado de medicamentos deu os seus froitos e, por iso, vamos seguir como fixemos desde o principio da lexislatura. O primeiro ano da lexislatura engadiu o presidente- conseguimos que o gasto farmacéutico non subira. Polo tanto, conxelar o gasto. No ano 11 conseguimos diminuír en máis de 100 millóns de euros e neste ano 12 levamos xa nos nove primeiros meses uns 50 millóns de euros menos que no ano 11.
Alberto Núñez Feijóo recalcou que se toman estas medidas, en primeiro lugar por responsabilidade, para sustentar o sistema sanitario público en plena crise económica e, en segundo lugar, por necesidade de cumprir as prioridades do gasto sanitario que teñen que ir na diminución de lista de espera e de mellores infraestruturas sanitarias.
Aínda que agora se sitúa nun gasto similar ao do ano 2007, o presidente Feijóo explicou que Galicia sigue tendo un gasto farmacéutico por persoa superior á media das comunidades autónomas. É verdade que temos unha poboación máis envellecida, pero é verdade tamén que seguimos tendo un gasto por receita superior ao resto das comunidades, explicou.
Por iso insistiu en que hai traballo por facer e recoñeceu o traballo dos facultativos de atención primaria e hospitalaria así como a receptividade dos pacientes que están observando e vendo como a racionalización do gasto farmacéutico vai directamente a beneficiar aos usuarios do Servizo Galego de Saúde, que terán máis recursos para diminuír esperas e máis recursos para maior tecnoloxías e maior confort hospitalario, recalcou.
Este órgano está formado por 12 expertos de recoñecido prestixio, tanto a nivel galego como internacional, nos ámbitos científico, tecnolóxico, empresarial e das políticas públicas. Na actualidade a Comunidade despunta en ámbitos como a biotecnoloxía, a intelixencia artificial ou a computación cuántica e acada numerosos fitos. O obxectivo deste consello asesor é apoiar e asesorar ao Executivo autonómico nas súas políticas públicas de I+D+i para seguir acadando éxitos e posicionando Galicia como un territorio de referencia nesta materia. As persoas que forman parte deste organismo, ademais do conselleiro, e a directora da Axencia Galega de Innovación, Carmen Cotelo, son cinco no eido da investigación, tres no das políticas públicas e catro no ámbito da innovación, empresa e emprendemento.
Galicia consolida a súa posición como a comunidade española que máis logrou reducir en 2024 as emisións netas de gases de efecto invernadoiro (GEI) con respecto a 1990, ano de referencia a nivel comunitario para as políticas en materia de clima. En concreto, a baixada rexistrada neste período foi do 68,5% fronte ao 12,8% no que se sitúa a media nacional. Os últimos datos oficiais dispoñibles volven situar a Galicia á cabeza da clasificación nacional en canto a redución de emisións netas. No período 1990-2024 Galicia logrou reducir en máis de dous terzos as súas emisións netas e tamén é a comunidade española que lidera a baixada de emisións GEI interanual, cun 9,8% menos que en 2023.
