viernes, 17 de abril de 2026
Os obxectivos de Ourense inserta son fomentar a creación de emprego na cidade, impulsar o autoemprego e a capacidade emprendedora, elevar os niveis de cualificación de persoas desempregadas, ao tempo que potenciar o diálogo entre axentes sociais, económicos e políticos da cidade para coordinar actuacións e aunar esforzos, a través do Pacto Local polo Emprego.
A Xunta de Goberno Local aprobou esta mañá a suscripción dun convenio coa Consellería de Traballo para homologar 12 dos itinerarios integrados de inserción sociolaboral dos 17 dos que consta o proxecto Ourense Inserta
Os itinerarios de formación e inserción sociolaboral deben ser entendidos como un conxunto de actuacións dirixidas a favorecer o acceso a un posto de traballo de demandantes de emprego, con accións de formación específica, práctica en empresas e orientación laboral.
12 dos itinerarios impartidos no proxecto Ourense Inserta serán acreditados con certificados de profesionalidade gracias á suscripción dun convenio entre o Concello de Ourense e a Xunta de Galicia, a través da Consellería de Traballo e Benestar, para que os alumnos que participarán nos cursos impartidos pola Concellería de Emprego do Concello que finalicen o programa cunha avaliación positiva en tódolos módulos formativos e poida acceder á expedición dun certificado académico.
O obxectivo do Concello é proporcionar ás persoas que participen no proxecto unha cualificación profesional que lles permita acceder con mellores condicións ao mercado laboral.
Itinerarios integrados de inserción sociolaboral
Os cursos que solicitan o recoñecemento coma estudos oficiais e certificado de profesionalidade son:
- 2 cursos de limpeza de superficies e mobiliario en edificios e locais de nivel 1
- 1 Curso de operacións básicas de cociña de nivel 1
- 1 Curso de Operacións básicas de restaurante e bar de nivel 1
- 2 Cursos de Atención sociosanitaria a persoas en domicilio de nivel 2
- 2 Cursos de Atención sociosanitaria a persoas dependentes en institucións sociais de nivel 2
- 2 Cursos de Instalación e mantemento de xardíns e zonas verdes de nivel 2
- 2 Cursos de Xestión de residuos urbanos e industriais de nivel 2
A maiores está prevista a realización doutros 5 itinerarios de formación e inserción profesional sen certificado de profesionalidade:
- 1 curso de animador xerontolóxico
- 2 cursos de Atención especializada a enfermos de Alzheimer
- 2 cursos de coidador de discapacitados físicos e psíquicos
Tódolos cursos incluirán contidos transversais en materia de igualdade de oportunidades, novas tecnoloxías, sensibilización medioambiental, fomento da non discriminación e loita contra a exclusión social. O programa inclúe titorías individualizadas ou grupais e acompañamento e orientación laboral durante todo o proceso.
Como novidade, incorpórase un cursos de formación complementaria de cara á preparación das competencias claves comúns para o acceso aos certificados de profesionalidade de nivel 2.
Formación a 330 desempregados
Ourense inserta dará formación a un total de 330 persoas. Os destinatarios deberán ser persoas desempregadas inscritas como demandantes de emprego no Servizo Público de Emprego, empadroadas no Concello de Ourense.
Os participantes poderán acceder a unha beca económica que axuda a reforzar a participación e a súa situación persoal.
O proxecto ten unha duración de 30 meses e suporá un investimento total de 1.387.953,93 , dos que o Fondo Social Europeo achegará o 80% (1.110.363,14 ) e o Concello o 20% (277.590,79 ).
Este órgano está formado por 12 expertos de recoñecido prestixio, tanto a nivel galego como internacional, nos ámbitos científico, tecnolóxico, empresarial e das políticas públicas. Na actualidade a Comunidade despunta en ámbitos como a biotecnoloxía, a intelixencia artificial ou a computación cuántica e acada numerosos fitos. O obxectivo deste consello asesor é apoiar e asesorar ao Executivo autonómico nas súas políticas públicas de I+D+i para seguir acadando éxitos e posicionando Galicia como un territorio de referencia nesta materia. As persoas que forman parte deste organismo, ademais do conselleiro, e a directora da Axencia Galega de Innovación, Carmen Cotelo, son cinco no eido da investigación, tres no das políticas públicas e catro no ámbito da innovación, empresa e emprendemento.
Galicia consolida a súa posición como a comunidade española que máis logrou reducir en 2024 as emisións netas de gases de efecto invernadoiro (GEI) con respecto a 1990, ano de referencia a nivel comunitario para as políticas en materia de clima. En concreto, a baixada rexistrada neste período foi do 68,5% fronte ao 12,8% no que se sitúa a media nacional. Os últimos datos oficiais dispoñibles volven situar a Galicia á cabeza da clasificación nacional en canto a redución de emisións netas. No período 1990-2024 Galicia logrou reducir en máis de dous terzos as súas emisións netas e tamén é a comunidade española que lidera a baixada de emisións GEI interanual, cun 9,8% menos que en 2023.
