viernes, 11 de julio de 2025
O presidente da Xunta, Alberto Núñez Feijóo, destacou que, nestes tres últimos anos, a Xunta investiu máis de 130 millóns de euros para a mellora e a modernización da industria alimentaria galega e as súas instalacións. Así o manifestou no acto de presentación do Plan Estratéxico do Clúster Alimentario de Galicia 2011-2015, onde apostou por aproveitar a puxanza deste sector para xerar novas oportunidades de crecemento e emprego na comunidade.
Feijóo salientou que a industria alimentaria é un sector fundamental no noso tecido produtivo, do que en Galicia forman parte preto de 3.000 empresas capaces de xerar unha produción valorada en máis de 6.700 millóns de euros e de dar emprego a máis de 31.000 persoas. Ademais, apuntou que contribúe a fixar poboación en zonas rurais e costeiras, posto que o 60 por cento destas empresas, das que o 75 por cento son microempresas, se sitúan en municipios de menos de 10.000 habitantes.
O mandatario galego recoñeceu que esta industria, vinculada ao sector agrogandeiro e de transformados da pesca, confórmase como un auténtico recurso endóxeno de primeira magnitude para Galicia que, nas últimas décadas, se ten convertido nunha industria transformadora, de aí o seu valor engadido, e que soubo situarse ao nivel das exixencias dos novos mercados.
A colaboración e a unión de esforzos como fórmula de éxito
Na súa intervención, o presidente galego puxo de relevo o labor do Clúster Alimentario de Galicia que é, dixo, unha oportunidade para a cooperación entre empresas e unha oportunidade para incrementar a súa calidade, a súa facturación, a súa presenza, o seu emprego e o seu crecemento sostido grazas á innovación e ao prestixio das nosas materias primas.
Nesta liña, resaltou que a unión de esforzos e a colaboración son as ferramentas que necesitamos en todos os sectores e advertiu que namentres non consigamos rematar ou diminuír co impacto do minifundismo necesitamos cooperar e colaborar, un dos motivos polo que se constitúe o Clúster. A Xunta está convencida dos bos resultados do traballo en equipo e, por iso, levamos tres anos incentivando, promovendo e apoiando a constitución de agrupacións de empresas para o desenvolvemento conxunto de iniciativas, asegurou.
Sacar partido desta unión empresarial cara ao exterior
Feijóo defendeu a importancia do traballo conxunto, da unión de esforzos e da cooperación empresarial que representan os clústers; e, no caso concreto do sector alimentario, considerou fundamental sacar partido da unión cara ao exterior baixo a marca Galicia, un selo de garantía e calidade, dixo. Quero chamar a atención sobre utilizar unha marca, utilizala de forma conveniente, nos produtos que estean autorizados para iso e utilizala dunha forma eficiente para gañar en calidade e en presenza nos mercados máis esixentes, aduciu.
Na conclusión da súa intervención, Feijóo apuntou que a industria transformadora galega dos produtos do campo e do mar acadou importantes cotas de competitividade no contexto español e europeo e soubo adaptarse ás novas esixencias dos consumidores.
O Festival Abanea celebrará entre o 16 e o 20 de xullo a súa cuarta edición cun programa de danza contemporánea de distintos estilos que distribuirá 15 funcións de nove compañías entre os concellos de Ames, Outes, Marín, Foz e Celanova. ISMO Cultura, colectivo organizador do encontro, estenderá así a súa actividade de exhibición e dinamización ás catro provincias. A bailarina Andrea Castro presentou a primeira fase do espectáculo Lola y los lamentos, como artista seleccionada para o acompañamento bienal 20252026 co que o festival apoia procesos de creación de artistas emerxentes e que nesta edición terá como resultado a estrea de 'A mona de seda'.
As diversas actividades do festival terán lugar do 28 de xullo ao 1 de agosto no claustro do Mosteiro de San Salvador de Celanova. A actuación que inaugurará a cita será a da Banda de Música de Celanova con James Morrison, un concerto único en España que terá lugar ás 20,30 horas. Ademais deste, subirán ao escenario a Boston Brass de Estados Unidos, Abraham Cupeiro coa Orquestra Gaos e pechará a edición o Hércules Brass Ensemble dirixido por Isabel Rubio e coa Boston Brass e Adam rapa como solistas. Así, os concertos complementaranse con cinco días de actividades formativas para un centenar de estudantes procedentes de distintas comunidades autónomas. Clases de alto nivel da man dalgúns dos participantes nas actuacións e un seguimento continuo e individualizado que garante un acompañamento pedagóxico para o alumnado.
