viernes, 17 de abril de 2026
A Consellería de Traballo e Benestar puxo en marcha o novo servizo online de información e asesoramento destinado ás familias galegas, o Gabinete de Orientación Familiar (GOF) virtual.
Este novo servizo online aloxase na páxina web http://www.familiasgalegas.org/, nun novo espazo denominado Gabinetes de Orientación Familiar, dentro do menú principal. Neste apartado, ademais de explicar que é a orientación e apoio familiar, os niveis de actuación e o seu obxectivo, aparecerán unha serie de ligazóns, sendo a primeira o espazo destinado ao GOF virtual, onde calquera persoa poderá demandar calquera información sobre o eido da familia e a infancia.
Este servizo online proporcionará ás familias ou calquera persoa interesada, de maneira gratuíta, información e asesoramento sobre diversas cuestións, como servizos, recursos sociais, programas, disposicións legais, por parte de persoas profesionais especializadas no ámbito da familia e a infancia.
Non obstante, compre salientar que nunca dará directrices técnicas sobre pautas de comportamento ou habilidades concretas. Nestes casos, sempre terá que por ao usuario en contacto co servizo correspondente para abordar con profundidade e de xeito presencial o problema. As respostas proporcionadas a través desta consulta terán carácter informativo e non efectos vinculantes para a Administración.
Para atender este recurso online, cóntase coa colaboración do GOF de Lugo, que será o encargado de responder, dun xeito claro e preciso, sobre a normativa, os recursos, os programas ou calquera outra información relativa ao este ámbito de actuación, que poda ser relevante para a persoa demandante de información, proporcionándolle unha visión xeral das opcións dispoñibles.
O servizo online é anónimo, os usuarios unicamente necesitan seleccionar o sexo e a idade segundo tramos, e indicar o enderezo de correo electrónico onde desexan recibir a contestación, o que permitirá tamén extraer estatísticas e conclusións sobre as necesidades e demandas das familias galegas e das persoas que as compoñen, segundo as variables descritas.
O FIV de Vilalba volverá reunir na localidade lucense unha programación destacada da escena independente e alternativa estatal, cun cartel no que figuran nomes como Carlos Ares, Alcalá Norte, La M.O.D.A. e Ángel Stanich, xunto a outras propostas moi presentes no panorama actual como Repion, Puño Dragón, Celia Becks, Futuro Alcalde, Grande Osso e Rapariga DJ. A boa resposta do público nas últimas semanas confirma, ademais, a gran acollida desta edición, coa previsión de que Vilalba volva encherse de ambiente festivalero a próxima fin de semana. A programación do FIV de Vilalba desenvolverase entre o Escenario Vibra Mahou, o Escenario #Fiver by Lactalis e a Zona DJ, consolidando un formato que combina os grandes concertos nocturnos coa actividade diúrna do sábado.
Galicia sitúase como a comunidade autónoma con menor porcentaxe de pacientes que agardan máis de 60 días por unha consulta co especialista. Así o referendan os datos publicados polo Ministerio de Sanidade sobre listas de espera no Sistema Nacional de Saúde a peche de 2025. Segundo os datos, en decembro de 2025 a comunidade galega situouse como a cuarta rexión española con mellores tempos medios de espera no ámbito das primeiras consultas. Neste eido, o Servizo Galego de Saúde rexistrou unha media de 63 días de espera, fronte aos 102 do Sistema Nacional de Saúde. Estas cifras reflicten que os galegos esperan 39 días menos para acceder a unha consulta co especialista que a media dos españois.
