martes, 28 de abril de 2026
A Asociación de Escritoras e Escritores en Lingua Galega está promovendo unha serie de actos organizados por concellos, asociación culturais e a propia AELG para celebrar o Día de Rosalía de Castro o 24 de febreiro, no que se conmemora o 175 aniversario do nacemento da nosa autora.
A AELG busca ademais institucionalizar ese Día de Rosalía de Castro como unha xornada de celebración da nosa literatura promovendo entre a cidadanía o agasallo dun libro en galego e unha flor.
Estes son os actos coordinados pola AELG:
Santiago de Compostela, Panteón dos Galegos Ilustres, 18:00 (telf. de contacto 699 11 54 69)
A Coruña, Kiosko Alfonso, 18:30 (telf. de contacto 628 743 764)
Lugo, Salón de actos do IES Lucus Augusti, 10:30 (telf de contacto 655 432 511)
Ourense, Liceo, 19:00 (telf de contacto 629 363 950)
Ferrol, Galería Sargadelos, 19:00 (telf. de contacto 607 755 914
Vigo, Museo de Arte Contemporánea (MARCO), 19.30 (telf. de contacto 608 08 16 08)
A Rúa, Biblioteca Pública Municipal, Casa da Cultura, 18.30 (telf. de contacto 616 124 521)
Pontevedra, Casa das Campás, 18.00 (telf. de contacto 680 288 487)
A Estrada, Sala de conferencias e exposicións CaixaNova, 19.00 (telf. de contacto 636 032 750)
Monforte, Centro de interpretación do viño, 21.00 (telf. de contacto 609 273 957)
En cada un destes actos o coordinador/a, socio ou socia da AELG, lerá unha Declaración da Asociación de Escritoras e Escritores en Lingua Galega no Día de Rosalía de Castro 175 anos despois do seu nacemento, do que adiantamos o primeiro parágrafo:
Hoxe Rosalía
como berro que reclama e revive en presente atemporal a reivindicar a presenza de lingua e identidade en todos os recunchos do noso país.
Moitos centros de ensino confirmaron que celebrarán actividades relacionadas co Día de Rosalía.
Así mesmo, varios concellos do país aprobaron ou están en vías de oficializar este día a raíz da proposta de moción que a AELG enviou aos distintos grupos municipais. Confirmamos este trámite para nos concellos de A Coruña, A Estrada, A Guarda, A Pontenova, Arteixo, Arteixo, Betanzos, Cangas, Ferrol, Laracha, Muros, Narón, O Rosal, Ponteareas, Porto do Son, Redondela, Rianxo, Santiago, Teo, Tui, Valdoviño, Viana do Bolo, listaxe que irá aumentando nos próximos días segundo se vaian celebrando os plenos.
Tamén as librarías se sumaron a esta xornada; así, por exemplo, Aira das Letras, de Allariz, regala unha flor a quen compren un libro os días 24, 25 e 26, e en Sabaríns, Baiona, o Mercado da Tía Ni celebrará o día de Rosalía agasallando a todos os seus clientes cun libro en galego.
Por outra parte, ás 20 horas, no Espazo de Arte de El Correo Gallego de Santiago de Compostela El Patito Editorial presentará o libro Follas Novas, ilustrado por Álvaro de la Vega, cunha mostra dos orixinais de Álvaro e tamén dos de Fausto para o libro La Flor/ A mi madre, e agasallarán aos presentes cunha rosa, que levará uns versos.
Info actualizada en:
http://www.aelg.org/GetActivityById.do?id=239
Foron presentadas as xornadas Galicia Biodays, que buscan posicionar Galicia como un territorio de referencia en innovación biotecnolóxica no ámbito internacional. Este evento vaise celebrar os días 6 e 7 de maio no Auditorio Mar de Vigo, e permitirá reforzar a marca Galicia Calidade en biotecnoloxía, fomentar o intercambio de coñecemento e establecer novas colaboracións científicas, empresariais e institucionais. Está previsto que asistan máis de 1000 persoas de 9 biorrexións convidadas, con máis de 130 relatores.
Alfonso Rueda informou de que o Consello deu conta do inicio da tramitación do anteproxecto da que será 'a primeira Lei do terceiro sector da acción social de Galicia'. Unha norma que busca 'unificar nun único texto legal a regulación deste eido e recoñecer de xeito formal o seu traballo e o papel que xogan as entidades na sociedade galega'. A necesidade de aprobar esta lei xustifícase na importante presenza destas entidades en Galicia, preto de 1.500, -que constitúen 'unha auténtica rede de solidariedade', segundo resaltou a conselleira de Política Social e Igualdade, Fabiola García-, para apoiar as persoas e fogares máis vulnerables.
