martes, 3 de noviembre de 2026
O presidente do Goberno galego, Alberto Núñez Feijóo, eloxiou a obra literaria de Xosé Neira Vilas porque nela, dixo, reflíctese a memoria da nosa terra e permite apreciar o inmenso esforzo dun país por erguerse. Así o manifestou na homenaxe que esta tarde se lle brindou ao autor galego con motivo do LI aniversario da publicación do seu libro Memorias dun neno labrego.
O mandatario referiuse a esta obra coma un libro que transmite vida: Hai libros que se len e outros que foron vividos, e que reviven cada vez que alguén os abre para conducirnos ata a lembranza dunha aldea á que se vencella o noso espertar á vida, dixo. Tense dito que que a patria do home é a infancia. No caso dos galegos, hai unha matria que é a terra, abondou.
Segundo Feijóo, no libro, Neira Vilas amosa unha forma de emigración literaria que demostra que Galicia pode ser creadora de arquetipos universais; unha emigración emocional que proba que a nosa lingua forma parte das grandes correntes culturais, sinalou.
Un manual para entender Galicia e para querela
Sobre Xosé Neira Vilas, o presidente da Xunta destacou que, ao contrario doutros escritores, non é pretencioso, senón que a súa grandeza está na sinxeleza, na capacidade para relatar o transcurso da vida, unha pauta que segue en toda a súa obra. Feijóo salientou como para este autor durante moito tempo a Galicia do alén do mar foi a súa Galicia interior, e como tomou o relevo da que aquí vivía nun 'soño sulagado', observou.
Para o titular da Xunta ninguén saberá o que fomos e de onde vimos sen visitar a prolífica obra de Neira Vilas, que cualificou coma un manual para entender Galicia e para querela. Ninguén que queira sentir a emoción dun idioma puro, natural, capaz de expresar as emocións máis fondas pode eludir a lectura dos seus libros, recoñeceu. Un idioma, dixo, espido, que con cada palabra fai vibrar un acorde da nosa galeguidade.
O presidente galego resaltou que o que máis asombra do testemuño de Neira Vilas é que esa Galicia que narra, esa emigración que describe, estiveran vixentes hai tan pouco tempo. Por iso, asegurou, a Neira Vilas debémoslle un dobre agradecemento como galegos, porque non só logrou que non se perdera a memoria tenra e amarga de moitos nenos labregos, senón que nos permite apreciar o inmenso esforzo dun país por erguerse.
Somos fillos e netos dunha terra moitas veces ingrata, que soubemos transformar, dixo Feijóo; por iso, ao igual que o protagonista da obra, decidimos que o destino dependera da nosa vontade, e chegamos ata aquí, e estamos dispostos a seguir adiante malia todos os problemas do mundo de hoxe, concluíu.
O Plan constitúe o primeiro documento estratéxico específico de Galicia dedicado á planificación, organización e desenvolvemento dos coidados paliativos pediátricos e nace coa finalidade de dar resposta ás necesidades propias desta poboación, garantindo unha atención adaptada ás características evolutivas da infancia e da adolescencia. O documento aprobado hoxe conta co aval científico da Sociedade de Pediatría de Galicia e da Sociedade Española de Coidados Paliativos Pediátricos e está dirixido á poboación pediátrica con enfermidades crónicas complexas e situacións susceptibles de atención paliativa. Articúlase arredor de catro liñas estratéxicas orientadas a fortalecer a organización asistencial e a dar resposta ás necesidades clínicas, emocionais e sociais dos pacientes pediátricos e das súas familias.
Galicia ocupa un lugar destacado nos Premios Nacionais de Investigación 2026, con cinco científicos galardoados. Tivo lugar o acto de entrega destes premios, celebrado no Palacio de Congresos de Europa, en Vitoria-Gasteiz. Os investigadores galegos que recibiron esta distinción son Ángel Carracedo, natural de Santa Comba, catedrático de Medicina na USC e director da Fundación Pública Galega de Medicina Xenómica; a compostelana Carmen Álvarez Lorenzo, catedrática da USC e directora do Instituto de Materiais da USC (iMATUS); e Laura Castro Santos, de Betanzos, catedrática da Escola Politécnica de Enxeñaría de Ferrol, pertencente á UDC.
