martes, 21 de abril de 2026
O presidente da Xunta, Alberto Núñez Feijóo, destacou no acto conmemorativo do 30 aniversario da Facultade de Física, a importancia de que a investigación que se realiza nas facultades sexa posta en valor polo tecido produtivo, que as empresas dixo- vexan oportunidades no apoio á investigación das universidades. Conseguir unha aplicación práctica rendible dos coñecementos adquiridos en Facultades como esta é un dos retos aos que nos enfrontamos en Galicia no futuro inmediato. Estamos a falar, en definitiva, de talento, investigación de referencia e resultados, aseverou.
Ao longo da súa intervención, o presidente do Goberno galego afirmou que, en moitos casos, deberíase tomar como exemplo o traballo de moitos equipos de investigación presentes en facultades como esta á hora de propoñer solucións; un traballo que ven da observación, do coñecemento en profundidade do fenómeno que se estuda. E neste sentido, afirmou que, en materia económica, a política debe analizar ben as cousas, e non tomar decisións precipitadas, como parece ser que ten ocorrido nos últimos tempos.
Ao igual que fan os investigadores nesta e noutras facultades de todo o mundo, todos deberíamos facer ese esforzo de análise, de traballo serio na busca dun resultado que sexa útil de verdade. Non é este un tempo para a improvisación, senón para o traballo ben planificado e a busca conxunta de solucións realistas, aseverou.
O responsable do Goberno galego concluíu recoñecendo a labor das Universidades, formar persoas para que poidan sacar o mellor de si mesmas e para que o esforzo que supón a toda a sociedade esa formación, sexa devolto en forma de traballos, investigacións e aplicacións para a mellora da calidade de vida. E subliñou que esta facultade de Física é un exemplo nese sentido. De aquí levan saído nestes trinta anos uns 2.700 titulados que están contribuíndo a que Galicia siga mellorando e o seu capital humano aporte competitividade á nosa economía e, en consecuencia, garanta o benestar.
Inspirada no Camiño da Traslatio, Saias do mar é un espectáculo de danza contemporánea que homenaxea a muller galega como forza ancestral ligada ao mar. A peza transforma o corpo nun territorio fluído e propón unha lectura coreográfica do feminino como memoria viva e indómita, depositaria dunha herdanza espiritual e simbólica, vencellada á ruta sagrada que trouxo o corpo do apóstolo Santiago por vía marítima ata estas terras. Juan Miguel Hernández é o autor da coreografía desta montaxe dirixida por Nerea Andrés, e ambos forman tamén parte do elenco xunto a Dayron Rodríguez, Irene Lorenzo, Laura Pereiras, Lucía Fontenla, Alba Fariña e Zoe Amor. A proposta, de 40 minutos de duración e pensada para poder executarse en todo tipo de espazos, complétase cunha selección musical de Rosa Cedrón, Daniel Minimalia e Luar na Lubre, vestiario de Santos Salgado e atrezzo de Elva Bernat.
O presidente da Xunta informou de que a Xunta vén de solicitar ao Goberno central 'que suspenda de inmediato a reforma do Regulamento de Costas' porque 'invade competencias exclusivas de Galicia e vulnera os dereitos dos titulares de concesións do litoral'. O Goberno autonómico lembra que, nos termos actualmente previstos, este regulamento non se adecuaría ás exixencias da Comisión Europea nin ao propio Dereito comunitario.
