viernes, 7 de agosto de 2026
A conselleira do Mar, Rosa Quintana, celebrou a adhesión de conservas Calvo ao sistema de certificación da denominación de orixe protexida Mexillón de Galicia e considera que é un paso máis na valorización do produto, un dos obxectivos prioritarios do seu departamento. De feito, a conselleira agarda manter a liña de incremento do prezo medio do mexillón aínda máis, tendo en conta que aumentou o ano pasado un 3,6 % respecto de 2009.
Na presentación deste acordo, que se realizou no marco da feira Conxemar, Quintana animou ao sector pesqueiro a entenderse e unirse para progresar, porque todos somos necesarios para gañar o futuro. A competitividade do sector mitilicultor e conserveiro está radicada na integración aseverou e subliñou a necesidade de integrar as estruturas de produción e transformación.
Ao respecto, salientou a importancia de que todos os sectores produtivo, transformador e comercializador- defendan unidos os intereses de Galicia e, tal e como recoñece a proposta galega da Política Común de Pesca. A Xunta tamén está a traballar de cara a xerar conxuncións de sinerxias xa que, nesta suma, o resultado é o máis importante, dixo.
Na súa intervención sostivo que este acordo é unha fórmula mestra para facer máis presente o mexillón con Denominación de Orixe Protexida nos mercados xa que unha parte pon a calidade dun produto senlleiro e a outra a difusión nos mercados. Neste sentido, cabe lembrar que Conservas Calvo é un grupo conserveiro con forte implantación en España e fóra do noso país, sobre todo en Sudamérica.
A loita contra os incendios forestais suma un novo aliado tecnolóxico ao servizo de toda a sociedade. A aplicación móbil ALume, deseñada para facilitar que calquera persoa poida dar a alarma sobre un foco de lume de forma inmediata e precisa, xa se atopa plenamente operativa e dispoñible para a súa descarga de balde nas plataformas Android e iOS. O obxectivo principal desta ferramenta é potenciar a detección temperá dos incendios forestais. Nunha emerxencia no monte, os primeiros minutos son decisivos para evitar que un foco inicial se converta nun gran incendio; por iso, ALume nace para acurtar os tempos de aviso e facilitar ao servizo de extinción datos exactos antes de despregar os medios sobre o terreo. Cabe sinalar que a aplicación leva xa 7.000 descargas e 200 notificacións que axudaron ao operativo.
Un dos grandes atractivos desta undécima edición será a estrea de dez novos espectáculos, todos eles impulsados por compañías galegas, un dato que evidencia o dinamismo creativo do sector dos monicreques na Comunidade. A programación abrirase coa nova versión de A festa dos títeres, presentada por Viravolta, Vai de Roda e Títeres Alakrán, para continuar coa estrea de Treco-lerias, de Trécola Producións, e A rosa de papel, adaptación ao teatro de monicreques do texto de Valle-Inclán realizada por Alakrán.
