martes, 3 de noviembre de 2026
O conselleiro de Cultura e Turismo e presidente do Padroado da Fundación Cidade da Cultura de Galicia, Roberto Varela, asinou un convenio de colaboración co secretario da Fundación Vicente Risco, LuÃs MartÃnez-Risco, para a conservación e difusión do seu fondo bibliográfico. Deste xeito, ambas entidades ocuparanse da conservación, promoción do acceso, o estudo e a difusión do patrimonio bibliográfico e documental da Fundación Vicente Risco mediante a súa descrición bibliográfica, dixitalización e creación de metadatos. Segundo o texto do convenio, a Fundación Cidade da Cultura realizará unha achega de 10.000 euros para sufragar os gastos da dixitalización á Fundación Vicente Risco, a entidade encargada da descrición bibliográfica e da dixitalización dos fondos.
Os resultados do proceso de descrición bibliográfica e de dixitalización de fondos poranse a disposición da Fundación Vicente Risco e da Fundación Cidade da Cultura para a súa inclusión nos fondos dixitais da Biblioteca de Galicia, para a súa utilización e difusión pública, de xeito que permita a consulta dos mesmos mediante as novas tecnoloxÃas da comunicación. Ambas institucións consideran os fondos da Fundación Vicente Risco como un tesouro bibliográfico e documental fundamental, único e singular do patrimonio galego.
A Fundación Cidade da Cultura de Galicia ten como obxecto a creación, explotación e promoción de centros de conservación, produción, exhibición e consumo cultural, comunicativo e tecnolóxico, que constitúan un espazo multifuncional, multidisciplinar e aglutinador propicio á interacción cultural. Deste xeito, tamén se recoñece o labor da Fundación Vicente Risco na conservación e difusión da cultura galega, asà como a importancia da colaboración entre entidades do sector público e privado para a súa defensa e promoción do patrimonio cultural galego.
Fondos a dixitalizar
A Fundación Vicente Risco, en colaboración coa Fundación Cidade da Cultura de Galicia dixitalizará as obras manuscritas da biblioteca de Vicente MartÃnez Risco como Bicéfalo de Promonta (manuscrito de 125 páxinas) ou La puerta de paja (manuscrito de 131 páxinas), ambas as dúas da autorÃa do escritor ourensán, asà como A familia de Pascual Duarte (manuscrito da tradución feita por Vicente Risco de 180 páxinas) da obra de Camilo José Cela.
Asemade, segundo o texto do convenio, tamén se dixitalizarán fondos especiais da Fundación como os manuscritos impresos de Traballos sobre o celtismo. Neste grupo destacan Civilización europea, Magnae Syntesis liber vel opera Omnia, Notas e bibliografÃas ou Referencia Irlandesa, asà como outras obras da carpeta sobre o celtismo como Irlanda por dentro y por fuera (tradución de Enrique DÃaz-Canedo), El fanatismo sinfinista: a proposito del problema Irlandés ou unha separata de Americo Castro titulada Algo sobre el celtismo. A documentación sobre a obra Mitteleuropa recollida en libretas de notas, debuxos, apuntes e borradores do manuscrito tamén serán obxecto de dixitalización, asà como a colección de traballos sobre etnografÃa e documentación diversa sobre O Carnaval, O Diablo e A Maxia. As coleccións de Vicente Risco de refráns, ditos e adiviñas, con 150 fichas manuscritas cada unha delas tamén serán dixitalizadas.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un perÃodo anómalo, xa que as altas presións foron moito máis frecuentes do que caberÃa agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que caberÃa agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur. De feito, destacan os altos rexistros acadados entre os dÃas 9 e 15.
A Xunta de Galicia puxo en marcha a campaña de inmunización fronte á gripe e a COVID, que este ano incorpora como principais novidades a extensión da vacina antigripal de alta carga ás persoas de 65 a 69 anos e a ampliación do proxecto piloto de vacinación nos colexios a 75 centros educativos. O inicio oficial tivo lugar nun acto nas residencias de maiores e centros de discapacidade, o colectivo polo que arranca tradicionalmente a campaña debido á vulnerabilidade deste grupo fronte ás infeccións respiratorias.
