miércoles, 29 de abril de 2026
O secretario xeral de Política Lingüística, Anxo Lorenzo, inaugurou na Biblioteca Nodal de Lugo a exposición Querido Balbino, 1961-2011. Cincuenta anos de Memorias dun neno labrego, nun acto no que tamén participou o escritor Xosé Neira Vilas, o xefe territorial da Consellería de Cultura e Turismo da provincia lucense, Xosé Carlos Andina; a responsable da biblioteca, Marisol González; e os comisarios da mostra, Valentín García e Luis Reimondez.
O responsable de Política Lingüística fixo especial mención durante o acto ao éxito editorial que Memorias dun neno labrego obtivo nos seus 50 anos de vida, case sen parangón na historia da literatura de noso. Anxo Lorenzo apuntou a mestría literaria e as virtudes humanas do autor, Xosé Neira Vilas, para explicar a repercusión dun libro que narra as peripecias de Balbino, un neno aldeán que se gaba da súa condición de labrego, que cuestiona as inxustizas sociais que padecen os da súa condición na Galicia do seu tempo e que se pregunta por que a súa lingua e a dos seus compañeiros, o galego, non é tamén a lingua da escola.
50 anos de Memorias dun neno labrego
A exposición constitúe unha homenaxe da Xunta de Galicia ao autor do libro máis lido e máis traducido da literatura galega, Memorias dun neno labrego, no ano en que se cumpren 50 anos da primeira edición da obra. Esta mostra, promovida pola Secretaría Xeral de Política Lingüística, pola Dirección Xeral do Libro, Bibliotecas e Arquivos, pola Dirección Xeral de Desenvolvemento Rural e mais pola Deputación de Pontevedra, percorre, desde o mes de abril, as bibliotecas nodais e os museos de Galicia.
Comisariada polo secretario da Fundación Xosé Neira Vilas, Valentín García, e por Luis Reimondez a mostra Querido Balbino articúlase en dous eixos. Dunha banda, preséntase a traxectoria vital do escritor a partir de fotografías, documentos e correspondencia. Doutra banda, amósanse documentos e material referidos á traxectoria seguida polo propio libro e o seu protagonista. Neste sentido, a exposición lembra as edicións adaptacións teatrais e audiovisuais inspiradas en Memorias dun neno labrego, do que xa se imprimiron máis de 600.000 exemplares, e conta cunha sala onde se proxecta un documental sobre Balbino.
A exposición presenta tamén 10 obras pictóricas de autores galegos, inspiradas no protagonista de Memorias dun neno labrego, que son Paco Lareo, Chema Pazos, Rofer, Esperanza Lema, Federico Fernández, Xoán Domato, Antón Pulido, Herminda Salgueiro, Siro López e Xaquín Marín. A exposición conta cun catálogo explicativo, ilustrado por comentarios aparecidos ao longo deste medio século de vida de Memorias dun neno labrego, e inclúe un documento único: a carta que lle escribe Xosé Neira Vilás, desde a perspectiva actual, ao seu fillo literario, Balbino.
A edición 2026 artéllase arredor dun formato expandido, con varias datas e localizacións ao longo da provincia, convertendo cada encontro nunha peza dun ecosistema cultural máis amplo. O 6 de xuño, en Expourense será a cita inaugural co rock lendario de Loquillo, o magnetismo vintage de Kitty, Daisy & Lewis e o fenómeno galego do momento, The Rapants. O 31 de xullo, na Praza da Veracruz do Carballiño a banda Burning, ofrecerá un concerto gratuíto; e o 4 de outubro, no Pazo de Deportes Paco Paz, o festival culminará o regreso de Luz Casal a Ourense. Loquillo, icona indiscutible do rock estatal con case cinco décadas de traxectoria, chega en plena xira do seu último traballo Corazones Legendarios, cun directo que revisita os grandes éxitos dunha carreira tan influente como extensa.
Galicia pechou o primeiro trimestre deste ano con máis poboación empregada que hai un ano. Neste sentido, os datos da Enquisa de Poboación Activa (EPA) publicados hoxe e relativos ao primeiro trimestre deste ano reflicten unha suba de 28.000 persoas ocupadas en relación ao ano pasado, lixeiramente superior á do conxunto do Estado e acadando, con 1.178.100, a cifra máis alta nun primeiro trimestre desde 2008. Ademais, a comunidade rexistra a maior taxa de emprego (49,30) nun primeiro trimestre en 18 anos e unha taxa de paro menor (8,96) que no conxunto de España (10,83). Ademais, as taxas galegas de paro feminino (9,51) e xuvenil (24,30) tamén son máis baixas que no conxunto do Estado.
