domingo, 19 de octubre de 2025
Un colgante feito a partir dun canino dun pequeno carnÃvoro, previsiblemente un raposo, pon de manifesto a presenza de ocupación humana no noroeste peninsular nos momentos máis rigorosos da última glaciación, o pleniglaciar. É a conclusión das novas datacións radiométricas realizadas en Cova Eirós (Triacastela, Lugo) polo Grupo de Estudos para a Prehistoria do Noroeste do Departamento de Historia I da USC (GEPN) xunto cun equipo do Institut Catalá de Paleoecologia Humana i Evolució Social de Tarragona (IPHES).
O director do GEPN e do proxecto de investigación, o catedrático Ramón Fábregas, explica que ata o de agora, as únicas evidencias neste senso eran un colgante pétreo de Férvedes II (Vilalba) e as cunchas de Dentalium atopadas no xacemento de Valdavara (Becerreá). As novas datacións radiocarbónicas evidencian a maior antigüidade do colgante atopado en Eirós, xa que se atopou nun nivel datado hai uns 26.000 anos, no perÃodo do PaleolÃtico superior coñecido como Gravetense.
As medicións sitúan a esta peza como a evidencia máis antiga de arte moble do noroeste peninsular, correspondéndose cunha etapa na que as montañas estaban cubertas de mantos de xeo e as paisaxes interiores dominadas por pradeiras. Diante da falta de xacementos datados neste época, adoitaba pensarse que Galicia se atopaba despoboada debido aos rigores climáticos.
A presenza de ocupacións humanas neste nivel de Cova Eirós, tendo en conta que se encontra a unha altitude de 700 metros, amosa, en opinión dos investigadores, a capacidade de adaptación das comunidades de Homo sapiens que habitaron o territorio galego durante a última glaciación.
A peza presenta unha superficie raspada que lle confire un aspecto liso e brillante. Na súa parte media ten unha acanaladura feita con ferramentas de pedra que servÃa para facilitar a perforación final da raÃz. O dente atópase fragmentado xa que só se conserva intacta unha das caras. Para este perÃodo existen moi poucos paralelos deste tipo de colgante nos xacementos cantábricos (menos dunha decena), a maiorÃa deles concentrados na parte oriental (Cantabria e PaÃs Vasco), converténdose o de Eirós na evidencia máis occidental para esta clase de adorno.
A directora xeral de Patrimonio Natural, Marisol DÃaz, informou hoxe sobre a declaración da emerxencia cinexética temporal nun total de 38 comarcas galegas pola presenza e os danos ocasionados polo xabaril, que entrará en vigor mañá, sábado, 18 de outubro, logo de que hoxe se publicasen as correspondentes resolucións no Diario Oficial de Galicia. Segundo indicou Marisol DÃaz, as declaracións de emerxencia cinexética temporal nas áreas sinaladas inclúen os Tecores e zonas libres onde se poderán desenvolver estas medidas extraordinarias e excepcionais.
O Roteiro dos Faros percorre o norte de Galicia e visita Cabo Ortegal, o miradoiro de VixÃa Herbeira, o Santuario de Santo André de Teixido e o Cabo Estaca de Bares. Os participantes tamén poden coñecer Viveiro e os cantÃs de Loiba. Este itinerario do Roteiro dos Faros desenvólvese nos meses de xuño a setembro. En 2025, o programa de Trens TurÃsticos de Turismo de Galicia alcanzou se un 92,15% de ocupación nas prazas á venda. As rutas nas que practicamente esgotaron a totalidade das prazas foron as dos Queixos, Ribeira Sacra-Miño, RÃas Baixas, Ribeira Sacra-Sil e Faros.
