sábado, 8 de agosto de 2026
A Xunta de Galicia seguirá coa aposta polo deporte e os deportistas galegos de alto nivel nos vindeiros exercicios. Así, e xunto á convocatoria de axudas aos deportistas galegos de alto nivel (DGAN) iniciada en 2004, o patrocinio aos clubs de alta competición posto en marcha no 2009, ou os centros de tecnificación deportiva de Pontevedra, Vilagarcía, Berducido e A Estrada, a Secretaría Xeral para o Deporte porá en marcha, nos primeiros meses do 2011, o programa específico de preparación dos vindeiros Xogos Olímpicos e Paralímpicos, Galicia-Londres 2012.
Este novo programa virá complementar así a nova política deportiva levada a cabo pola Secretaría Xeral en relación con algo tan substancial para o desenvolvemento deportivo de Galicia como é o alto rendemento. Esta nova política ven caracterizarse, non só pola posta en marcha de novos programas, senón tamén pola reestruturación das liñas de axudas, quedando agora situadas ao amparo do departamento da Xunta de Galicia competente no ámbito deportivo.
O programa, que prevé unha un investimento aproximado no primeiro exercicio de 250.000 euros, irá destinado a garantir a máxima presenza galega nos Xogos Olímpicos e Paralímpicos que se van celebrar na capital británica en 2012, apoiando aos mellores deportistas galegos nas distintas modalidades olímpicas entre os que, sen dúbida algunha, estará o triatleta Javier Gómez Noya
Situación do deportista Javier Gómez Noya
En relación ás manifestacións vertidas polo campión galego Javier Gómez Noya, a Secretaría Xeral para o Deporte quere manifestar a súa sorpresa polas mesmas, toda vez que tanto o deportista, como o seu representante e o presidente da súa Federación, foron persoalmente informados da posta en marcha do programa Galicia-Londres 2012 e que, nos próximos anos, virá a garantir a este deportista, e a outros en similares situacións, axudas equivalentes ás recibidas ata o de agora.
Este mesmo labor de información sobre o programa, foi levado a cabo con outros destacados deportistas galegos de alto nivel, e as súas respectivas Federacións.
Cómpre sinalar que, xunto ás axudas económicas que van percibir por este novidoso programa, o deportista galego forma parte do grupo de adestramento de Élite do Centro Galego de Tecnificación Deportiva, que a Secretaría xeral para o Deporte ten en Pontevedra.
A loita contra os incendios forestais suma un novo aliado tecnolóxico ao servizo de toda a sociedade. A aplicación móbil ALume, deseñada para facilitar que calquera persoa poida dar a alarma sobre un foco de lume de forma inmediata e precisa, xa se atopa plenamente operativa e dispoñible para a súa descarga de balde nas plataformas Android e iOS. O obxectivo principal desta ferramenta é potenciar a detección temperá dos incendios forestais. Nunha emerxencia no monte, os primeiros minutos son decisivos para evitar que un foco inicial se converta nun gran incendio; por iso, ALume nace para acurtar os tempos de aviso e facilitar ao servizo de extinción datos exactos antes de despregar os medios sobre o terreo. Cabe sinalar que a aplicación leva xa 7.000 descargas e 200 notificacións que axudaron ao operativo.
Un dos grandes atractivos desta undécima edición será a estrea de dez novos espectáculos, todos eles impulsados por compañías galegas, un dato que evidencia o dinamismo creativo do sector dos monicreques na Comunidade. A programación abrirase coa nova versión de A festa dos títeres, presentada por Viravolta, Vai de Roda e Títeres Alakrán, para continuar coa estrea de Treco-lerias, de Trécola Producións, e A rosa de papel, adaptación ao teatro de monicreques do texto de Valle-Inclán realizada por Alakrán.
