martes, 29 de septiembre de 2026
O conselleiro de Educación e Ordenación Universitaria, Xesús Vázquez Abad, presidiu no Museo Pedagóxico de Galicia (MUPEGA) a entrega do premio Qué es un Rey para ti?, que alcanzou este ano a súa vixésimo novena edición dedicada a amosar a percepción que os escolares de entre 8 e 13 anos teñen sobre Don Juan Carlos I.
Este ano a galardoada foi Carmen García González, alumna de 1º da ESO no IES Carlos Casares de Vigo, quen presentará en persoa o seu traballo ao Rei, nunha audiencia compartida cos rapaces gañadores no resto das comunidades autónomas.
Durante o acto, Vázquez Abad amosouse satisfeito pola alta participación galega neste certame, ao que a Comunidade presentou nesta edición 2.186 traballos de alumnos de 3º, 4º, 5º e 6º de Primaria e de 1º e 2º da ESO. O conselleiro de Educación dirixiuse a todos os participantes para transmitirlles os meus parabéns pola orixinalidade e a creatividade demostrada nos traballos que optan ao galardón. Ademais, felicitou aos vosos educadores que, respectando as ideas orixinais, foron quen de orientalas.
Vázquez Abad fixo fincapé na importancia deste certame como primeira toma de contacto coa historia da Coroa e co seu papel nun Estado democrático de Dereito, desde a asunción dos seus deberes e obrigas establecidos pola Constitución. Así mesmo, o conselleiro valorou a oportunidade que constitúe o concurso para os escolares, xa que lles permite achegarse á personalidade humana de Don Juan Carlos I, e coñecer as características e a importancia das súas funcións. Neste sentido, Xesús Vázquez animou aos escolares a formarvos academicamente e persoalmente como cidadáns libres e participativos, quen de tomar decisión e de vos implicar activamente no funcionamento da nosa sociedade.
No acto estiveron presentes tamén o presidente da Fundación Institucional Española (FIES), Rafael Guardáns Cambó, e o director xeral da Fundación Orange, Manuel Gimeno; organizadora e patrocinadora respectivamente do concurso. Así mesmo asistiu o secretario xeral da Consellería de Educación, Jesús Oitavén; e o director xeral de Centros e Recursos Humanos, José Manuel Pinal.
Exposición de traballos finalistas
Ademais da entrega do premio, no MUPEGA expuxéronse as 4 obras finalistas galegas, procedentes de 16 colexios. Por cuarto ano consecutivo, as nenas e nenos puideron presentar tamén traballos en calquera formato multimedia, como vídeos, deseños de páxinas web ou creacións de arte dixital
Os 13 mellores traballos a nivel estatal da modalidade multimedia cuxo gañador foi escollido a tra vés dunha votación online o pasado 17 de maio, Día da Internet- serán amosado nunha exposición virtual itinerante, impulsada pola Fundación Orange.
A Xunta iniciou hoxe nas residencias de maiores a campaña de vacinación fronte á gripe, que incorpora a vacina reforzada desde os 65 anos e busca chegar a 926.000 persoas de máis de 60 anos. En Galicia hai 926.000 persoas de 60 ou máis anos como poboación diana para a vacinación fronte á gripe, e ao redor de 549.000 maiores de 70 anos, que é a poboación diana para a que está indicada a inmunización fronte á covid. A campaña prolongarase ata o 31 de decembro, desenvolvéndose de xeito progresivo nos distintos colectivos e grupos de idade. Así, logo do arranque de hoxe nas residencias de maiores e centros de discapacidade, o vindeiro día 13 de outubro incorporarase a vacinación infantil nos centros de saúde e nos 75 colexios.
O informe de balance do programa de axudas para a Atracción de Empresas a Galicia, unha liña xestionada pola Consellería de Economía e Industria a través do Igape que se consolida como un piar estable dentro da estratexia económica do Goberno galego, reflicte que entre os anos 2024 e 2026, este programa permitiu a concesión de 74,08 millóns de euros en subvencións públicas, unha contía que impulsou a posta en marcha de 96 proxectos empresariais e que xerará un impacto económico total de 256,75 millóns de euros en mobilización de investimento privado.
