lunes, 7 de julio de 2025
O mal tempo reinou na tarde de onte, pero a pesares da choiva e do vento o público asistente puido presenciar unha bonita proba, a 3ª Competición promoción Slalom, que se celebrou en Ponte Arnelas, Ribadumia e da que resultou gañador na clasificación por clubes o Clube Os Teixugos de Goián, mentres que o Piragüismo Dumbría quedaba de subcampión e o Val Miñor de terceiro clasificado.
O vicepresidente segundo da Federación Galega de Piragüismo e responsable da modalidade Augas Bravas/ Slalom, Quique Portela, destacaba o interesante que resultaba este percorrido, un circuito de doce portas cheo dun gran atractivo tanto a nivel deportivo como de visualización.
Na entrega de premios destacou a presenza da alcaldesa de Ribadumia, Salomé Peña, que non se quixo perder o evento. Acompañábana o concelleiro de Deportes da localidade, Jorge Abal, o presidente do Club Náutico O Muíño, José Manuel Vázquez e o propio Quique Portela.
Desde o club anfitrión e organizador, Náutico O Muíño, quixeron destacar a axuda recibida para a organización desta proba por parte de Protección Civil, o Concello e os propios rapaces das outras categorías do clube.
O próximo domingo día 16 de maio Ribadumia voltará a ser a protagonista absoluta de cara ás competicións de piragüismo, posto que terá lugar a XVI Baixada ao Umia.
Alfonso Rueda informou de que o Consello 'aprobou a orde para a posta en marcha do Bono Peixe' que ofrecerá 'ata 50 ' para mercar peixe e marisco frescos nos establecementos da comunidade adheridos. Unha medida coa que a Xunta busca 'incentivar o consumo' destes produtos galegos que son sinónimo 'de excelencia e calidade' por todo o mundo e 'facer unha chamada atención' sobre o descenso destes alimentos na dieta que se está a vivir 'a nivel nacional, europeo e mundial e do que Galicia non é allea'.
Galicia segue a ser un referente nacional en calidade ambiental e turística, con 137 bandeiras azuis e 54 sendeiros azuis recoñecidos en marzo. Sanxenxo mantén a súa posición á cabeza do conxunto estatal con 17 praias, 3 portos deportivos (o Real Club Náutico Sanxenxo, o Club Náutico Portonovo e o Porto Deportivo Juan Carlos I) e 1 centro azul (o Centro de Interpretación das Telleiras), ademais de ser o concello que conta co maior número de sendeiros azuis de toda España, cun total de 8 rutas. Galicia mantense entre as tres Comunidades con máis distintivos azuis (tras a Comunidade Valenciana e Andalucía) con 137 galardóns que inclúen praias, portos e centros azuis, ademais de 54 sendeiros azuis recoñecidos en marzo. De feito, concentra unha de cada seis bandeiras azuis concedidas este ano aos areais españois.
