viernes, 10 de abril de 2026
O presidente da Xunta de Galicia, Alberto Núñez Feijóo, fixo un chamamento á cooperación e á coordinación entre as tres universidades para converter ao sistema universitario galego nun dos máis competitivos e vangardistas de Europa. É preciso aproveitar as sinerxias e os recursos das tres universidades galegas para ofrecer a mellor formación posible aos nosos alumnos e desenvolver un sistema sólido de I+D+i que sexa, ademais, piar da economía de Galicia, afirmou.
Pola súa banda, Feijóo, que participou no acto de entrega dos Premios Fin de Carreira, garantiu o compromiso do Goberno galego con todas as iniciativas que permitan dixo- un Sistema Universitario galego máis forte e competitivo, que se proxecte cara ao exterior, sempre, desde a colaboración e a cooperación interna.
Galicia é consciente do reto que supón estar ao nivel do sistema educativo europeo. Neste sentido, as nosas universidades saben ben da importancia dunha oferta de títulos coherente, racional e adaptada ás necesidades formativas que reclama o mercado laboral. Aínda que é certo que, no contexto do espazo europeo, as universidades están chamadas a competir, non é menos certo que só a competencia desde a cooperación permitirá a Galicia acadar o lugar que merece no panorama nacional e internacional universitario, reiterou.
A educación, peza clave do desenvolvemento e o progreso
Para o titular do Executivo autonómico, a educación constitúe un dos máis potentes instrumentos para construír unha sociedade avanzada que aposte polo desenvolvemento e o progreso.
Vos sodes un dos valores principais da nosa sociedade e motor de novos modelos de crecemento baseados no saber, no coñecemento, a innovación e a cultura; vos sodes pezas clave da nosa sociedade futura, e estades chamados a traballar pola modernización e o futuro de Galicia. Precisamos da vosa implicación no proxecto colectivo de mellorar Galicia, afirmou o presidente galego, logo de felicitar aos 62 alumnos premiados e á comunidade universitaria.
Por último, Feijóo subliñou a importancia do coñecemento de varias linguas para lograr unha Galicia competitiva que se sitúe á cabeza de Europa en crecemento, creatividade e, en definitiva, en benestar e en liberdade.
É tempo de facer unha instrospección doméstica e preguntarnos qué podemos facer para que a nosa forza non se disipe e aproveitar todo o noso potencial. A Galicia Global non é unha idea teórica, senón unha esixencia ineludible para que o noso país aproveite todas as súas capacidades no escenario global no que nos inserimos. Tamén no ámbito educativo, concluíu.
O presidente da Xunta, Alfonso Rueda, anunciou hoxe a posta en marcha dun programa específico para reducir o abandono escolar centrado en varóns e na poboación inmigrante sen educación secundaria de segunda etapa, é dicir, que non contan con títulos superiores ao de ESO. O responsable do Executivo autonómico apuntou que a redución do abandono escolar é un 'importantísimo asunto de carácter estrutural no que a Xunta está embarcada hai tempo'. Aínda que indicou que 'imos polo bo camiño', lembrando que Galicia pechou 2025 cunha taxa do 10,4%, case tres puntos por debaixo da media estatal, sinalou que 'non podemos conformarnos nin moito menos'. Así, lembrou que a taxa de abandono educativo temperán é case o dobre nos homes (13,5%) ca nas mulleres (7,2%), polo que o Goberno galego está a intensificar as medidas especiais sobre eles.
O XIII Carballo Interplay desenvolverá do 16 ao 19 de abril un programa de 32 actividades arredor da creación dixital contemporánea, das series en pequeno formato, a cultura de internet e a reflexión sobre os novos modos de comunicar na rede. O certame reforza este ano a presenza do galego como lingua de creación, conversa e pensamento no ecosistema dixital, cunha programación específica arredor dos contidos no noso idioma nas RRSS, accións formativas para a mocidade, premios dirixidos a recoñecer o talento que crea na nosa lingua e novas oportunidades para a produción de proxectos.
