jueves, 1 de octubre de 2026
O seu labor céntrase na axuda a persoas consumidoras de substancias adictivas (concretamente, ilegais: cocaína, heroína, cannabis, etc.), para o que contan cun amplo persoal que abrangue os ámbitos sanitario, farmacéutico e administrativo.
Á hora de elaborar un perfil do paciente que acude á UCA, a distribución por idades vai en relación coas diferentes substancias consumidas. Así, no caso dos consumidores de heroína, trátase dos pacientes de maior idade e xeralmente cun historial de consumo prolongado no tempo, que na UCA é tratado a través de metadona e que maioritariamente se encamiña á estabilización no consumo, cun índice de éxito superior ó 50%. Estes pacientes poden estar a tratamento durante meses ou anos e son os máis habituais na Unidade.
A idade baixa cando falamos do consumo de cocaína, onde o obxectivo perseguido é a abstinencia. Aínda que neste caso o tratamento pode resultar máis difícil, un elevado número de pacientes adoitan experimentar unha boa evolución que xeralmente desemboca na pretendida abstinencia. Os pacientes de menor idade son os que acuden á UCA como consumidores de cannabis. As súas idades están comprendidas entre os 14 e os 20 anos, e para lograr con éxito unha rehabilitación total é imprescindible o apoio da familia e do entorno. As maiores dificultades dánse nos casos en que actúan outro tipo de factores externos que dificultan o traballo dos médicos, psicólogos, enfermeiros, traballadores sociais e farmacéuticos que tratan de axudar, dende esta Unidade, a estas persoas dependentes. Segundo apunta o responsable da Unidade de Conductas Adictivas, Gerardo Flórez, o consumo destas substancias experimenta un crecemento continuo, en consonancia con datos oficiais do Observatorio Nacional sobre Drogas.
No que vai de ano 2009, o número de inicios rexistrados na Unidade (persoas que acuden por primeira vez á UCA) é de 286, mentres que se rexistraron 186 reinicios (persoas que acudiron anteriormente á UCA e que nalgún momento determinado abandoaron o programa). Destas 286 persoas que se achegaron por primeira vez á UCA en 2009, o 66% (188 delas) fíxoo para tratar a súa adicción á heroína, o que corrobora o anteriormente apuntado. O resto repártese entre o tratamento da súa adicción á cocaína, ó cannabis ou a outro tipo de substancias.
Un dos problemas que en moitas ocasións pode impedir o correcto desenvolvemento destes procesos é a reticencia dos individuos a achegarse a estes puntos de axuda. Pero segundo o propio Gerardo Flórez indica, o feito de estar no Complexo Hospitalario dálle á UCA unha apariencia moito máis profesional ós ollos dos pacientes, e iso é positivo porque anima a acudir a nós ás persoas que precisan axuda.
O balance que o responsable realiza é positivo ó acadarse unhas notables cifras de recuperación e unha actividade continua en prol da axuda ás persoas con conductas adictivas.
A sexta edición de 6coreógrafas acollerá dúas estreas: Trés bien, de Marta Alonso Tejada, un dúo de danza contemporánea de rúa interpretado por María de Vicente e Inés Santos que explora o esforzo de sosterse e permanecer xuntas, e BenQuererme, un solo de de Fran Sieira, que combina danza tradicional e contemporánea para reflexionar sobre o autocoidado emocional e o amor propio. A programación completarase con Suit(e), de Furia Sotelo, un diálogo entre a danza de Nuria Sotelo e o violonchelo de Millán Abeledo, e Bipedestrucción, da compañía navarro-galega Disiden.cia, unha peza de rúa para todos os públicos que aborda desde o humor a identidade, a diversidade e a importancia da comunidade.
O presidente da Xunta, Alfonso Rueda, informou de que o Goberno autonómico vén de autorizar na reunión desta mañá o envío ao Consello Consultivo de Galicia do decreto polo que se crea o Rexistro de autorizacións e concesións no dominio público marítimo-terrestre (DPMT). 'Isto vai situar Galicia á vangarda en transparencia e xestión do litoral', indicou. 'Imos habilitar un sistema para que a cidadanía poida coñecer en todo momento os usos e autorizacións vixentes na costa galega', salientou o presidente sobre un Rexistro, concibido para incorporar progresivamente as autorizacións e concesións no DPMT e que permitirá sistematizar e ampliar a información dispoñible sobre as actividades autorizadas, o que resulta fundamental para avanzar na planificación, protección e xestión integrada da costa galega así como reforzar a seguridade xurídica das actividades e proxectos.
