viernes, 17 de abril de 2026
A conselleira de Traballo e Benestar, Beatriz Mato, presidiu en Santiago de Compostela a sinatura do protocolo de colaboración transfronteiriza Espazo Xuvenil, que conta cun financiamento de 979.962 euros. Este programa senta as bases de cooperación en materia de xuventude entre Galicia e o Norte de Portugal que se vai levar a cabo ata o ano 2010 e do que se poderán beneficiar máis de 30.000 mozos de ambos lados da fronteira.
Esta iniciativa “de gran dimensión”, dixo Mato, pretende fomentar a creación de empresas mixtas galaico–portuguesas, especialmente nos ámbitos da cultura o tempo libre e da animación sociocultural. Ten tamén como reto a promoción do espÃrito emprendedor e a cooperación entre os máis novos para que leven a cabo proxectos conxuntos.
Dentro deste programa de cooperación, ao longo de 2009-2010, desenvolveranse máis de 50 actividades dirixidas á xuventude galega e portuguesa que inclúen cursos para monitores de tempo libre, encontros xuvenÃs, eventos culturais ou a creación dunha plataforma e-learning para a formación a distancia. Ademais, a través do proxecto Espazo Xuvenil, máis de 100 mozos poderán beneficiarse de programas de intercambio en empresas.
O principal obxectivo deste proxecto, no que tamén participa o Instituto Portugues da Juventude, é promover a cooperación institucional en materia de xuventude, para que os mozos se queden a vivir e a traballar na zona transfronteiriza.
A iniciativa tamén servirá como motor de actividade xa que creará de forma directa máis de 50 empregos e favorecerá o uso das instalacións e recursos existentes nos dous lados da fronteira como poden ser os albergues para xente nova ou as oficinas de información xuvenil.
Para acadar estes obxectivos, realizaranse un amplo abano de actividades encabezados pola elaboración dun plan estratéxico para a creación de nova actividade económica na zona. Asà mesmo impulsaranse os intercambios entre a mocidade e os proxectos de cooperación.
As actividades arrancarán xa o próximo mes de xullo cando se celebrará Filminho, unha festa transfronteiriza ligada á creatividade do sector audiovisual. Seguiralle, xa na segunda quincena de agosto o campamento Portugaliza.
Outro dos retos deste proxecto será o reforzamento das oficinas de información xuvenil galego-portuguesas co fin de convertelas en “verdadeiros espazos dinamizadores”, asegurou Mato.
Pola súa banda o director xeral de Xuventude, Ovidio Rodeiro, sinalou que a xuventude galega vai demostrar que é “capaz de poñer en marcha iniciativas para conquistar o emprego” e “gañarlle a partida á crise a base de capacidade, coraxe e esforzo”.
No acto de presentación tamén estiveron presentes os asinantes do protocolo de colaboración. Como representantes galegos estaban o Director Xeral de Xuventude e voluntariado, Ovidio Rodeiro, o Presidente da Confederación de Empresarios de Galicia, Antonio Fontenla Ramil e o Director Xeral do Consello Galego de Cámaras, Juan Feijoo Casanova. Pola parte portuguesa asistiron a presidenta do Instituto Portugues de Juventude, Helena Maria Guimaraes Sousa, o presidente do Eures Transfronteirizo Norte de Portugal – Galicia, Avelino Araujo Leite, Rui Manuel Castro por parte do Instituto Empresarial do Minho e Augusto Ferreira e Carlos Sequeira como representantes do ente Universitario.
O FIV de Vilalba volverá reunir na localidade lucense unha programación destacada da escena independente e alternativa estatal, cun cartel no que figuran nomes como Carlos Ares, Alcalá Norte, La M.O.D.A. e Ãngel Stanich, xunto a outras propostas moi presentes no panorama actual como Repion, Puño Dragón, Celia Becks, Futuro Alcalde, Grande Osso e Rapariga DJ. A boa resposta do público nas últimas semanas confirma, ademais, a gran acollida desta edición, coa previsión de que Vilalba volva encherse de ambiente festivalero a próxima fin de semana. A programación do FIV de Vilalba desenvolverase entre o Escenario Vibra Mahou, o Escenario #Fiver by Lactalis e a Zona DJ, consolidando un formato que combina os grandes concertos nocturnos coa actividade diúrna do sábado.
Galicia sitúase como a comunidade autónoma con menor porcentaxe de pacientes que agardan máis de 60 dÃas por unha consulta co especialista. Asà o referendan os datos publicados polo Ministerio de Sanidade sobre listas de espera no Sistema Nacional de Saúde a peche de 2025. Segundo os datos, en decembro de 2025 a comunidade galega situouse como a cuarta rexión española con mellores tempos medios de espera no ámbito das primeiras consultas. Neste eido, o Servizo Galego de Saúde rexistrou unha media de 63 dÃas de espera, fronte aos 102 do Sistema Nacional de Saúde. Estas cifras reflicten que os galegos esperan 39 dÃas menos para acceder a unha consulta co especialista que a media dos españois.
