miércoles, 10 de junio de 2026
A Xunta de Goberno do Colexio Profesional de Xornalistas de Galicia (CPXG) lamenta a decisión do Consello de Administración de Pretesa, filial do Grupo Prisa, de cesar a actividade de Localia Televisión desde o 31 de decembro deste ano.
Sen entrar a analizar os motivos que levaron á empresa a adoptar esta medida, esta Xunta de Goberno entende que o peche dun medio de comunicación é unha mala noticia, non só para os empregados que nel traballan, senón para o conxunto da sociedade que perde unha voz do sistema mediático.
O CPXG insta a Prisa a recolocar os empregados afectados, tendo en conta que un grupo de comunicación do seu tamaño debe poder atopar mecanismos que eviten as solucións traumáticas para aqueles que traballaron para sacar adiante o proxecto televisivo de Localia.
Esta Xunta de Goberno tamén quere valorar que Utega, a empresa que xestiona a meirande parte das emisoras de Localia en Galicia, teña comunicado que pretende continuar adiante coas emisións, nomeadamente na actual situación de crise económica.
O Colexio de Xornalistas agarda que ese anuncio se materialice na práctica, que se faga mantendo tódolos postos de traballo e que ese proxecto contribúa a dotar a Galicia dun sistema propio de medios de comunicación.
Tivo lugar a xornada 'Deputados por un dÃa', na que os escolares galegos levaron ao hemiciclo as súas propostas para mellorar a sociedade. Os catro representantes dos colexios, un por provincia, compartiron na Cámara as súas reflexións sobre a convivencia, o tema arredor do que xira este curso o programa educativo Abraza tus valores, e a relación dos menores coas tecnoloxÃas. Participaron máis de 8.300 escolares de entre 4 e 12 anos de 83 centros públicos, concertados e privados de Galicia (Arquitecto Casas Novoa de Santiago, o CEIP Plurilingüe A Gándara, de Monforte de Lemos, o CEIP Plurilingüe Irmáns Villar, de Ourense e o CEIP Plurilingüe de Cerdeiriñas, de Piloño).
A actividade levada a cabo pola Axencia de Protección da Legalidade UrbanÃstica (APLU) para protexer o medio ambiente e o patrimonio natural e paisaxÃstico galego permitiu o pasado ano a reposición da legalidade en 121 actuacións en toda Galicia. Estas reposicións foron resultado do labor do equipo inspector do organismo adscrito á ConsellerÃa de Vivenda e Planificación de Infraestruturas, e repartÃronse principalmente na provincia de Pontevedra, con 60 actuacións, seguida da Coruña con 30, Lugo con 21 e Ourense con 10.
