jueves, 18 de junio de 2026
A ConsellerÃa de Medio Ambiente e Desenvolvemento Sostible e a Federación Galega de Municipios e Provincias (FEGAMP) promoverán o establecemento dun prezo único polo custo do metro cúbico da auga depurada en todos os concellos de Galicia. Para sentar as bases de cara a lograr este obxectivo a ConsellerÃa, Aguas de Galicia e a Fegamp organizarán unha xornada informativa dirixida aos concellos de máis de 2.000 habitantes sobre o tratamento das augas residuais e a xestión das depuradoras (edares) en Galicia.
O conselleiro de Medio Ambiente, Manuel Vázquez, e o presidente da Fegamp, Carlos Antonio Fernández, anunciaron a organización desta xornada informativa, que terá lugar o 17 de xuño, e á que estarán convidados os alcaldes dos concellos de máis de 2.000 habitantes, obrigados pola directiva europea de augas residuais a contar cunha depuradora. O obxectivo desta xornada será “escoitar as propostas dos alcaldes para buscar un acordo para un sistema integral de xestión das edares”, avanzou o conselleiro.
O novo modelo pasarÃa por lograr un “equilibrio” no prezo da auga, de xeito que todos os concellos paguen o mesmo polo tratamento das augas residuais ao igual que están a facer co lixo, recalcou Vázquez. O conselleiro explicou que a fórmula serÃa calcular a media ponderada dos custos de toda Galicia e aplicala a cada concello, sempre co obxectivo de “mellorar o sistema sen que o cidadán pague máis, optimizando os recursos existentes”, subliñou o conselleiro.
Manuel Vázquez tamén se referiu á creación da Axencia Galega da Auga, un organismo que no que estarán representados a ConsellerÃa de Medio Ambiente, Augas de Galicia e a Fegamp, e que terá como obxectivo principal “definir a xestión da auga cara ao futuro”.
En materia de residuos, o conselleiro presentoulle ao presidente da Fegamp o borrador Plan de Residuos Sólidos Urbanos e da Lei de Residuos, a fin de que os concellos poidan incorporar as propostas que consideren oportunas. Manuel Vázquez defendeu a aposta da ConsellerÃa de Medio Ambiente por abandonar, de xeito progresivo, os modelos de incineración e potenciar o compostaxe e a reciclaxe nos concellos.
O conselleiro de Medio Ambiente tamén solicitou ao presidente da Fegamp a colaboración para o desenvolvemento do Plan Galego de Acción fronte ao Cambio Climático, no que será necesario “o compromiso das administracións públicas e a implicación dos concellos” para reducir as emisións de CO2 e acadar os obxectivos que marca o plan, salientou Manuel Vázquez.
Pola súa parte, o presidente da Fegamp manifestou a receptividade dos concellos nos temas plantexados hoxe e asegurou que a Fegamp buscará “facer propostas e chegar a acordos” en todas as cuestións abordadas.
A Mostra Internacional de Teatro de Ribadavia reunirá do 17 ao 25 de xullo 25 espectáculos procedentes de Galicia, Portugal, Francia, México e diferentes comunidades autónomas, nunha 42ª edición atravesada pola creación contemporánea, a diversidade de linguaxes e formatos, a memoria histórica, a música en directo e a capacidade da escena para activar pensamento crÃtico e experiencia colectiva. Entre estas propostas figura A Fortaleza, da compañÃa A Feroz, coproducida polo Centro Dramático Galego e o festival FITEI do Porto. A obra, dirixida pola portuguesa Raquel Sousa e con dramaturxia de Lorena Conde e da propia Sousa, recupera a memoria das guerrilleiras antifranquistas galegas a través da figura de Consuelo RodrÃguez López, Chelo.
O Festival de Música Antiga e Barroca Ateneo Barroco celebrará do 6 ao 20 de outubro a súa oitava edición cun programa articulado arredor da música antiga, os instrumentos históricos, a divulgación e o encontro co público. O certame compostelá ofrecerá seis concertos en diferentes espazos da capital de Galicia, ademais de cinema documental, unha conferencia, unha acción de improvisación, un club de lectura e varios encontros cos artistas. A programación principal de Ateneo Barroco desenvolverase en espazos como a Igrexa da Universidade, o Teatro Principal, o Salón Teatro e o Paraninfo da Universidade. O calendario de recitais abrirase con Lina Tur Bonet e Bach, partita, sonata, e continuará con Ars Atlántica, Resonet, Arc & Volta e Bertrand Cuiller, antes do peche con Accademia del Piacere e Fahmi Alqhai en In dulci jubilo.
