sábado, 25 de abril de 2026
Lalín convértese os días 19, 20 e 21 de maio en centro neurálxico e en foro de reflexión de cara definir e abordar a reestruturación do modelo territorial de Galicia. Será grazas ao encontro A reforma da administración territorial: cara uns concellos eficientes e viables que, organizado conxuntamente pola Universidade Internacional Menéndez Pelayo (UIMP) e co Concello de Lalín, se desenvolverá na Aula da UNED lalinense, sita no Parque Empresarial 2000.
Así o anunciaron o alcalde de Lalín, José Crespo; o director da UIMP en Galicia, José Luis Barreiro Rivas, e o director do curso e profesor de Xeografía da Universidade de Santiago, Román Rodríguez González, no transcurso da presentación deste encontro, co que a UIMP inicia os cursos de verán deste ano, un total de 31, que se desenvolverán en toda Galicia.
O alcalde de Lalín agradeceu á UIMP, e de xeito especial a Xosé Luis Barreiro Rivas, o apoio brindado, xa que se prestou a financiar o 100% do custo do curso desde un principio, e se comprometeu a iniciar en Lalín os cursos de verán.
Neste seminario poden participar alumnos das tres universidades galegas. Terá un valor académico de 20 horas e estará recoñecido en créditos de libre configuración. A inscrición pode realizarse a través dos teléfonos 981 140 790 ou 981 140 830.
Neste seminario participarán poñentes con probada experiencia no eido da administración (central, autonómica e local), así como destacados estudosos do tema tanto galegos como doutras comunidades.
Da comezo ás 11.00 horas do luns 19 de maio coa inauguración a cargo do alcalde de Lalín, José Crespo; do director da UIMP en Galicia, José Luis Barreiro Rivas; e do presidente da Federación Galega de Municipios e Provincias (Fegamp), Carlos Antonio Fernández Castro.
A continuación, o catedrático de Dereito Administrativo da Universidade de A Coruña, José Luis Meilán Gil, ofrecerá a conferencia inaugural baixo o título Municipios e estruturas políticas. A xeira reanudarase ás 17.00 da tarde co relatorio O municipio como marco relacional, do subdirector xeral de Función Pública Local do Ministerio de Administración Públicas, Enrique Orduña Prada.
Esta xornada rematará cunha mesa redonda sobre a Visión do mundo local galego na que participarán os alcaldes de Pontecaldelas, Perfecto Rodríguez Muíños; de Zas, Manuel Muíño Espasandín; de Lugo, José Clemente López Orozco, e co vicepresidente da Deputación de Ourense, Rogelio Martínez González, que estará moderada polo secretario xeral do Concello de Lalín, César López Arribas.
A seguinte xornada, o 20 de maio, participarán persoeiros destacados da cultura e a política, como o catedrático de Dereito Administrativo da Universidade de León, Francisco Sosa Wagner, o secretario xeral do PPdeG, Alfonso Rueda Valenzuela; o alcalde de Culleredo en representación do PSdeG-PSOE, Julio Sacristán de Diego, e o deputado autonómico do BNG, Pablo González Mariñas.
O último día do seminario, Antonio Cândido Macedo Oliveira, profesor do departamento de Ciencias Xurídicas da Universidade de Minho, expoñerá como se desenvolve O marco administrativo local en Portugal. A continuación, importantes estudosos galegos do tema como Roberto Blanco Valdés, Xabier Ferreira e Luis Caramés Vieitez ofrecerán a súa visión acerca sobre unha posible reforma da administración territorial en Galicia.
Ferrol é a primeira das 13 citas co libro e a lectura que terán os galegos e galegas en diferentes vilas e cidades das catro provincias. Tras esta cidade, recollerá o relevo Santiago de Compostela, do 2 ao 10 de maio; Lugo, do 13 ao 17 de maio; O Porriño, do 14 ao 17 de maio; Redondela, do 11 ao 14 de xuño, e Ourense, do 17 ao 20 de xuño. Xa no mes de xullo, Vigo abrirá o día 1, prolongándose ata o día 7, continuando en Ponteareas, desde o día 9 ata o 12, e en Rianxo do 23 ao 26. Finalmente, en agosto, as Feiras do Libro viaxarán ata A Coruña, do 1 día ata o 10; Viveiro, do día 13 ao 19; Foz do 20 ao 23, e rematarán en Monforte de Lemos, onde se celebrará do día 26 ao 29 de agosto.
O número de persoas en Galicia que le ocasional ou habitualmente na nosa lingua medra en case nove puntos ata acadar o 72 %, isto é, sete de cada dez galegos. Ademais deste incremento do 13 por cento na lectura ocasional ou habitualmente en galego con respecto ao ano anterior, o estudo de 2025 tamén revela a consolidación dunha Galicia lectora, reflectida no sindicadores que sinalan que o 96,5 % da poboación maior de 14 anos le en calquera medio e soporte, o que sitúa a nosa Comunidade nun 1,4% por enriba da media de España. Ademais, o 70 % destas lecturas son de libros.
