viernes, 30 de mayo de 2025
A secretaria xeral de Igualdade, Carme Adán, reuniuse en Santiago con a 15 mulleres con responsabilidades de goberno, investigadoras e activistas no eido medioambiental da área lusófona coas que debateu a posta en marcha dunha Rede de Mulleres na Lusofonía. A Rede tería por obxecto de intercambiar experiencias sobre o empoderamento das mulleres, a contribución das mulleres no eido medioambiental e avaliar o alcance do mainstreaming nas políticas públicas.
Na xuntanza participaron Aidil Borges, docente e Investigadora do Instituto Superior de Educación e Ministerio de Medio Ambiente de Brasil; Araceli Serantes Pazos, xefa de Extensión Universitaria do CEIDA e Profesora da Universidade da Coruña; Brígida Brito, do Centro de Estudios Africanos de Portugal; Joaquina Bras Caetano, xefa de Educación Ambiental do Ministerio do Urbanismo e Ambiente de Angola; Lucía Iglesias da Cunha, presidenta da Sociedade Galega de Educación Ambiental (SGEA) e Profesora Titular de Educación Ambiental da Universidade de Santiago de Compostela; Luisa Borges, asesora da Ministra de Medio Ambiente de Cabo Verde; Luísa Ucha, do Ministerio de Educación de Portugal; Maria Luisa Schmidt, do Instituto de Ciencias Sociais da Universidade de Lisboa; Marilia Andrade Torales, vicepresidenta da Dirección da Asociación Internacional de Investigadores en Educación Ambiental Nerea-Investiga e investigadora do Grupo SEPA-Interea; Maura Machado Silva, analista Ambiental do Departamento de Educación Ambiental do Ministerio de Medio Ambiente de Brasil; Michele Sato, profesora e Investigadora de Educación Ambiental das Universidades Federais de Mato Grosso (UFMT-Educación) e San Carlos (UFSCar-Ecoloxía; Patricia Mousinho, secretaria Executiva de REBEA (Rede Brasileira de Educación Ambiental de Brasil); Raquel Trajber, coordinadora Xeral de Educación Ambiental do Ministerio de Educación de Brasil; Saquina Mucavele, membro de MUGEDE (Mulher Gênero e Desenvolvimento) de Mozambique, e Vilela de Sousa, directora para a Promoción Ambiental do Ministerio para a Coordinación da Acción Ambiental de Mozambique.
Este evento congregará a semana que vén en Santiago de Compostela a 225 profesionais da programación, distribución e produción de espectáculos de artes escénicas. Oito espazos e prazas da cidade acollerán do 2 ao 5 de xuño o conxunto das actividades programadas este ano, que inclúen 21 funcións de teatro, danza e circo contemporáneo, 12 presentacións de proxectos en formato pitching, dúas mesas redondas e un concerto. Ademais, nestes momentos estase a pechar o calendario de reunións que as compañías galegas inscritas manterán con máis de 80 responsables de mostras, circuítos e espazos escénicos tanto de toda España e de Portugal co fin de favorecer a contratación de espectáculos de produción galega.
Aínda que non se espera que haxa alertas por episodios de calor, porque está previsto que as temperaturas baixen ás noites, desde Meteogalicia facilítase a toda a poboación a información sobre avisos meteorolóxicos. Galicia atoparase entre os días 28 e 31 de maio na influencia dun anticiclón que se localizará ao norte da península Ibérica e que achegará aire cálido procedente do sur da península Ibérica e do norte de África. Con estas condicións, as temperaturas irán en ascenso, sendo os días máis calorosos o xoves 29 e o venres 30, cando se poden superar facilmente os 30ºC en moitas comarcas e localmente mesmo os 35ºC en áreas de val da provincia de Ourense. Esta situación comezaría a remitir nalgúns puntos o propio venres 30 pola tarde pola presenza dalgunhas tormentas.
