martes, 23 de junio de 2026
O director xeral de Xuventude, Rubén Cela, anunciou que o seu departamento ten prevista a sinatura dun convenio de colaboración coa REAJ (Red Española de Albergues Juveniles) para ampliar a rede de oficinas que expiden o carné de alberguista en Galiza. Os novos puntos para obter este documento situaranse nas localidades de Carballo, Viveiro, Vilagarcía, Lalín, Monforte, O Barco, Tui e Verín.
Na actualidade, existen oficinas expedidoras de carnés REAJ en Santiago, Lugo, A Coruña, Ferrol, Vigo, Pontevedra e Ourense, situadas nos 7 campus universitarios do país e no Centro Coordinador de Documentación e Información Xuvenil de Compostela. Nestes puntos, fanse unha media de 4.000 carnés de alberguista cada ano.
Coa posibilidade de obter o carné en máis localidades, a Dirección Xeral de Xuventude pretende promover a incorporación de novos socios á rede, fomentando a práctica do alberguismo como proxecto de mobilidade, interculturalidade e achegamento entre pobos.
O convenio a asinar coa REAJ prevé tamén impartir formación para o persoal que traballa nestes puntos, tanto nos 7 que xa emiten o carné como nos que agora comezarán a facelo.
Así mesmo, Cela explicou que se realizará unha campaña informativa na que se inclúe a celebración dunhas xornadas simultáneas de información sobre alberguismo nas 7 cidades e vilas nas que se pode obter o documento. No marco desta campaña, editaranse guías para as persoas que participen nestas xornadas e editaranse 10.000 folletos informativos e carteis.
O director xeral da Axencia Galega da Industria Forestal (Xera), Alfredo Fernández, subliñou esta mañá en Santiago o potencial da Comunidade galega no emprego da madeira no eido da construción gracias ao esforzo de todos os axentes do sector forestal-madeira e do compromiso do Goberno galego para impulsar o emprego deste elemento nas edificacións que se están a levar a cabo na rexión co apoio da Administración autonómica. Fernández Ríos realizaba estas declaracións no marco da inauguración da xornada sobre o proxecto europeo de construción sustentable Life timber for all.
Galicia situouse en 2025 como a terceira comunidade autónoma en taxa de doazón de España, cun índice de 39 doazóns por cada 1.000 habitantes. Segundo os datos que o Ministerio de Sanidade fixo públicos, con motivo da conmemoración do Día Mundial do Doante de Sangue, as campañas de doazón desenvolvidas pola Axencia de Doazón de Órganos e Sangue (ADOS) permitiron situar Galicia nos primeiros postos, ao rexistrar 39 doazóns por cada 1.000 habitantes, sendo soamente superada por Estremadura (47/1.000) e Castela León (45/1.000).
