martes, 28 de abril de 2026
A Universidade de Santiago de Compostela imparte por vez primeira a partir de outubro o Máster propio en Finanzas Cuantitativas, o único en Galicia sobre esta cuestión e un dos poucos que existen en toda España. O prazo de presentación de solicitudes permanece aberto ata o día 12 de setembro.
Especialmente dirixido a titulados en Matemáticas, Estatística, Física, Enxeñarías, Económicas, Empresariais, Actuariais e profesionais, o máster ten unha duración de nove meses ao que se lle sumaría un período de prácticas en empresas do sector. Tanto no deseño deste posgrao co financiado por Caixanova coma na posta en marcha das súas materias, participan expertos da empresa consultora Analistas Financieros Internacionales.
Actualmente sectores como a banca, as xestoras de fondos ou as compañías de seguros demandan un maior número de profesionais formados en finanzas cuantitativas asegurando a súa inserción laboral. Por iso, os contidos que ofrece este Máster en Finanzas Cuantitativas son moi distintos aos estudos clásicos de posgrao en banca e finanzas, que tradicionalmente están orientados a alumnos cunha determinada formación previa en economía.
O mundo das finanzas está a empregar ferramentas matemáticas moi sofisticadas para avaliar e xestionar os diferentes riscos dos produtos financeiros co fin de optimizar a xestión de carteiras. Por iso, aspectos coma o cálculo diferencial, a optimización, a estatística, o análise de series temporais, a simulación ou as técnicas numéricas son hoxe en día coñecementos indispensables nos equipos profesionais de analistas financeiros.
O FaCeLa Fest reúne este ano a 18 bandas, encabezadas polos ingleses Temples, os galegos Triángulo de Amor Bizarro, os asturianos Australian Blonde e as madrileñas Shego. Completan o cartel o novo proxecto lucense The Foolans, Bernal, Axolotes Mexicanos, Los Palms, Pacífica, Ripship, Error 97, Sigilu, Filophóbicas, Toldos Verdes, Las Yhadys, Aeronave Adolescente, Fotocopia e Sapo Bufo. O escenario principal trasládase nesta edición á Sala Tebras pero haberá tamén concertos noutros espazos da cidade, como o Bar Facela, no barrio da Tinería.
Galicia aposta por ampliar as melloras no ensino tamén ás etapas de ESO, Bacharelato e Formación Profesional con novas propostas en materia de ratios, atención á diversidade e horario docente, dentro da vía de diálogo aberta entre Xunta e sindicatos. As propostas, que se elevarán aos órganos pertinentes coa previsión de comezar a aplicalas desde o novo curso que arranca en setembro, abordan melloras nas ratios de estudantes por aula na ESO e no Bacharelato, na atención que se presta ao alumnado que máis o precisa e na configuración do horario do profesorado e das súas funcións.
