miércoles, 24 de junio de 2026
O mundo da moda e os novos deseñadores galegos se deu cita onte pola noite en Allariz. O desfile de moda dos proxectos finais dos alumnos da promoción 2006-2007 de Deseño de Moda da Escola Superior de Deseño e Moda Felicidad Duce contou coa presenza do vicepresidente da Xunta, Anxo Quintana, que entregou o primeiro premio concedido polo xurado deste certame. A Escola Superior de Deseño e Moda de Allariz acaba de recibir a homologación da Consellería de Educación que a coloca coma o centro de referencia da moda a nivel galego, un centro do que cada ano saen uns 20 alumnos que pasan automaticamente a traballar para os grandes deseñadores tanto a nivel galego coma estatal.
Esta Escola Superior de Deseño e Moda forma parte dun proxecto xeral que o Concello de Allariz está a levar a cabo e que está a converter a esta vila ourensá en referente no sector en toda Galiza. Así, ademais da labor de formación e apoio aos novos creadores, Allariz ten en marcha o único centro outlet de toda Galiza (e o terceiro do Estado xunto cos de Madrid e Barcelona), e ademais un Centro de Interpretación da Moda. Un proxecto no que a Xunta de Galicia, a través das Consellerías de Innovación e Vivenda, se está a implicar con actuacións decididas na aposta por este sector e a súa proxección. Ademais os máis importantes deseñadores galegos están a formar parte deste proxecto, apoiando coas súas firmas as iniciativas que se están a desenvolver en Allariz.
O Paseo da Alameda de Allariz foi onte escenario deste desfile de moda, no que os alumnos da Escola Superior de Deseño e Moda amosaron os seus proxectos de fin de curso, e deixaron patente a calidade das súas creacións e as cualidades que os converten nos novos creadores galegos máis desexados por todas as grandes firmas de moda.
Allariz conta cun proxecto para o sector téxtil asentado en tres puntais que complementan a actividade productiva que xa existe na zona. Dun lado o proxecto formativo, que se levou a cabo coa posta en marcha da Escola Superior de Deseño en Moda, a través dun convenio entre a Asociación Téxtil de Galiza, a Xunta e o Concello de Allariz. Esta escola vén de consolidar o seu traballo acadando a súa homologación como o centro de referencia na formación de novos creadores no sector da moda galega.
Outro dos puntais deste proxecto é o Centro de Interpretación da Moda, que fará un percorrido polo mundo da moda e o seu significado, analizando as súas implicacións sociais e económicas e servindo ademais como centro de traballo e actividade para as empresas do sector, xa que lles proporcionará infraestruturas para distintos eidos do seu traballo.
O terceiro piar no se que asenta este proxecto que está a converter a Allariz en referente no mundo da moda é a parte comercial, en marcha xa no centro outlet que xa funciona en Allariz e que ocupa toda unha rúa do casco histórico en locais rehabilitados nos que se están a instalar primeiras firmas da moda galega e de fóra do país, coma Adolfo Domínguez, Roberto Verinno, Mássimo Dutti, Levi Strauss, Dockers ou Pepe Jeans, entre outras moitas firmas de primeiro nivel.
A Xunta de Galicia vén de remitir ás organizacións sindicais a proposta para adiantar a 2028 a redución de ratios na etapa de Secundaria, que será abordada na Mesa Sectorial Docente que terá lugar o vindeiro día 30. A documentación elevada pola Consellería de Educación, Ciencia, Universidades e FP recolle que a partir de setembro de 2028 implantarase a redución de ratios ata 25 alumnos por aula na ESO fronte aos 30 vixentes no conxunto de España. Esta diminución arrancará para 1º curso de ESO e irá implementándose ano a ano e curso a curso. Unha vez completada toda a etapa de ESO, arrancará a redución a 30 alumnos por aula en Bacharelato, fronte aos 35 a nivel estatal, aínda que en Galicia xa está a 33.
O presidente da Xunta, Alfonso Rueda, anunciou o nome dos galardoados coas Medallas Castelao 2026, despois de que o Consello aprobase concedérllelas ao músico Esteban Batallán Cons, á científica Mar Capeáns Garrido, ao atleta Adrián Ben, á propietaria dos restaurantes La Penela, María Barallobre, e á Fundación Andrea. É un dos recoñecementos máis importantes da nosa Comunidade. O Consello acordou recoñecer o traballo da Fundación Andrea, que apoia de xeito integral ás familias con nenos con enfermidades de longa duración, crónicas ou terminais.
