miércoles, 4 de noviembre de 2026
O presidente da Xunta, Emilio Pérez Touriño, asegurou que os proxectos que o Goberno galego está a executar na Coruña marcarán un “novo horizonte” para o futuro da cidade e suporán “un salto adiante” no seu papel como motor de desenvolvemento económico de Galicia. Unhas actuacións, remarcou, que demostran o compromiso da Xunta de Galicia e do seu presidente coa Coruña e que revelan que a “cooperación, a colaboración e o traballo conxunto” das administracións son imprescindibles para poder afrontar os retos de futuro de Galicia.
Asà o expresou o máximo mandatario galego logo de visitar, xunto co alcalde da Coruña, Javier Losada, as obras de catro proxectos nos que a Xunta de Galicia está a investir para “mellorar a habitabilidade, mobilidade e calidade de vida dos cidadáns” e abrir novas oportunidades de creación de emprego e riqueza na cidade: a Terceira Rolda de circunvalación, a cidade deportiva municipal da Torre de Hércules; a rehabilitación do grupo de vivendas Virxe do Carme e o novo recinto feiral.
En rolda de prensa, o máximo mandatario galego asegurou que a terceira rolda de circunvalación “abre, deseña e xera unha nova fronteira”, dado que permitirá dotar a cidade dunha nova entrada libre de peaxe e facilitar a súa comunicación con toda a área metropolitana, desconxestionando a Rolda de Outeiro e a Avenida de Alfonso Molina.
Investimento superior aos 118 millóns de euros
Segundo explicou o presidente logo de visitar as obras, a terceira rolda é unha estrada de alta capacidade de 12,5 km de lonxitude que está a ser executada coa colaboración do Concello, a Xunta de Galicia e o Ministerio de Fomento e que conta cun investimento superior aos 118 millóns de euros. Pérez Touriño incidiu en que o primeiro dos tres subtramos que competen á Xunta de Galicia –que suman en total 3,7 kilómetros- está en construción, mentres que o segundo se licitará de xeito “inmediato”. O obxectivo, segundo concretou, é que o novo vial estea rematado a finais de 2008 ou principios de 2009.
Na súa visita á cidade, Pérez Touriño tamén visitou as obras de construción do novo recinto feiral, unhas instalacións que contan cun investimento de 37 millóns de euros (o 75% achegado pola Xunta) e que, en palabras do presidente, permitirán que A Coruña aumente a captación de feiras nacionais e internacionais. “Este recinto marca un espazo de oportunidade para que A Coruña poida atraer, con maior garantÃa, visitantes, empresarios, emprendedores, feiras, turismo e, polo tanto, dar un salto adiante tamén no que é o motor de Galicia na creación de emprego e actividade”, expresou.
Mellora dos equipamentos e da calidade de vida
O presidente tamén se desprazou ao barrio de Labañou onde a Xunta de Galicia está a cofinanciar, co Concello e o Ministerio de Vivenda, as actuacións de rehabilitación do grupo de vivendas do Carme, que contan cun investimento total de 4,2 millóns de euros. Segundo explicou o presidente, trátase dunha experiencia “pioneira” na rehabilitación de vivendas que non forman parte de cascos históricos e que ten por obxectivo garantir “a calidade e o nivel de vida que é necesario no século XXI”. “Por iso é unha actuación integral, urbanizando, mellorando o estándar, mellorando as fachadas, as cubertas, a accesibilidade. En definitiva, unha actuación moi potente”, salientou Pérez Touriño, quen incidiu en que as polÃticas de rehabilitación e de vivenda son un “foco central de atención e de prioridade” para a Xunta de Galicia.
Finalmente, o xefe do Executivo galego resaltou a “colaboración magnÃfica” co Concello da Coruña para promover as obras de mellora da cidade deportiva da Torre. “O deporte base, o asociacionismo deportivo, é unha base de saúde e de educación. E Educación e saúde son os piares da acción dun goberno progresista”, significou.
“A lección fundamental polÃtica, cidadá é que necesitamos traballar xuntos, camiñar na mesma dirección, dialogar e compartir esforzos. É a única forma, a gran forma, nun paÃs democrático para que o paÃs avance e para que os cidadáns teñan aquilo que demandan e merecen: cidades cada dÃa máis habitables, con mellor calidade de vida, con mellores dotacións e servizos e con maiores equipamentos”, concluÃu.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un perÃodo anómalo, xa que as altas presións foron moito máis frecuentes do que caberÃa agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que caberÃa agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur. De feito, destacan os altos rexistros acadados entre os dÃas 9 e 15.
A Xunta de Galicia puxo en marcha a campaña de inmunización fronte á gripe e a COVID, que este ano incorpora como principais novidades a extensión da vacina antigripal de alta carga ás persoas de 65 a 69 anos e a ampliación do proxecto piloto de vacinación nos colexios a 75 centros educativos. O inicio oficial tivo lugar nun acto nas residencias de maiores e centros de discapacidade, o colectivo polo que arranca tradicionalmente a campaña debido á vulnerabilidade deste grupo fronte ás infeccións respiratorias.
