sábado, 8 de agosto de 2026
O director-xerente do Consorcio Audiovisual de Galicia, Nacho Varela, presentou o obradoiro Cómo se fai unha curtametraxe que será impartido polos directores Nacho Vigalondo e Borja Cobeaga.
Trátase dun curso teórico-práctico que ten como obxectivo amosar todos os pasos de creación dunha curtametraxe. O obradoiro desenvolverase do 7 ao 11 de maio en horario de tarde de 6 a 20 horas na sala Audiovisual do Centro Multimedia de Galicia, en Compostela.
Cada xornada incluirá unha parte teórica, na que Vigalondo e Cobeaga exporán as súas experiencias no eido da curtametraxe, realizaranse visionados de fragmentos e obras audiovisuais. Na parte práctica analizaranse os proxectos presentados polo alumnado.
Os participantes, un total de 15, son directores, guionistas, técnicos e actores que xa participaron nalgunha obra audiovisual e se atopan en fase de desenvolvemento dun novo proxecto.
Proxección
Ademais, no marco do obradoiro, o xoves dÃa 10 ten lugar unha proxección de curtametraxes e un coloquio posterior cos directores Nacho Vigalondo e Borja Cobeaga. Nesta, poden verse, entre outras, ás súas curtas candidatas ao Óscar a mellor curtametraxe: Éramos Pocos, de Borja Cobeaga, candidata ao Óscar 2006 á mellor curtametraxe e 7:35 de la mañana, de Nacho Vigalondo, candidata ao Óscar 2004 á mellor curtametraxe.
A proxección que será de balde, terá lugar no Auditorio da Facultade de Ciencias da Comunicación da Universidade de Santiago.
Os profesores
Tras realizar curtametraxes en vÃdeo que foron premiadas en varios festivais, Nacho Vigalondo escribe, dirixe e protagoniza a súa primeira curta en cine: 7.35 de la mañana. Ademais de gañar máis de 70 premios en festivais de todo o mundo, foi candidato ao Oscar á Mellor Curtametraxe e ao Premio da Academia Europea. Despois de dirixir a súa segunda curta, Choque, debuta na longametraxe con Los CronocrÃmenes, que actualmente se atopa en fase de post-produción. É socio de Arsénico Producciones (xunto a Borja Crespo, Koldo Serra, Nahikari Ipiña e Borja Cobeaga) e realiza asiduamente spots publicitarios.
Borja Cobeaga alterna a dirección de programas de televisión coa realización de curtametraxes. Para a televisión ten dirixido programas de humor como Vaya Semanita ou Territorio Champiñón, ao tempo que foi guionista de Agitación+IVA, Splunge ou Made in China. Previamente traballou como realizador de Gran Hermano ou Confianza Ciega. No terreo da curtametraxe escribiu e dirixiu La primera vez, co que foi candidato ao Goya e conseguiu máis de 30 premios. A súa segunda curtametraxe, Éramos pocos colleitou máis de 70 galardóns e foi candidata ao Óscar á Mellor Curtametraxe.
A loita contra os incendios forestais suma un novo aliado tecnolóxico ao servizo de toda a sociedade. A aplicación móbil ALume, deseñada para facilitar que calquera persoa poida dar a alarma sobre un foco de lume de forma inmediata e precisa, xa se atopa plenamente operativa e dispoñible para a súa descarga de balde nas plataformas Android e iOS. O obxectivo principal desta ferramenta é potenciar a detección temperá dos incendios forestais. Nunha emerxencia no monte, os primeiros minutos son decisivos para evitar que un foco inicial se converta nun gran incendio; por iso, ALume nace para acurtar os tempos de aviso e facilitar ao servizo de extinción datos exactos antes de despregar os medios sobre o terreo. Cabe sinalar que a aplicación leva xa 7.000 descargas e 200 notificacións que axudaron ao operativo.
Un dos grandes atractivos desta undécima edición será a estrea de dez novos espectáculos, todos eles impulsados por compañÃas galegas, un dato que evidencia o dinamismo creativo do sector dos monicreques na Comunidade. A programación abrirase coa nova versión de A festa dos tÃteres, presentada por Viravolta, Vai de Roda e TÃteres Alakrán, para continuar coa estrea de Treco-lerias, de Trécola Producións, e A rosa de papel, adaptación ao teatro de monicreques do texto de Valle-Inclán realizada por Alakrán.
