Notas de prensa

Reunión de usuarios do programa experimental de emprego: Un emprego espera por ti

Nesta reunión tratáronse diversos temas, entre eles as necesidades formativas do grupo e as ofertas actuais do mercado laboral.

A reunión tivo unha boa resposta por parte dos usuarios, que nos manifestaron as súas inquedanzas e os proxectos que lles gustaría levar a cabo antes de que remate o programa no mes de abril do presente ano.

Nº de participantes: 50
Obxectivo de inserción: 18 (alomenos durante 6 meses)
Os participantes foron seleccionados entre os candidatos que remitiu a Oficina de Emprego de Cee.

Os particiantes no proxecto pasan por un proceso que ten como obxectivo individual atopar emprego no menor tempo posible. O obxectivo do proxecto é que o 35% dos particiantes atopen emprego por conta allea por un período superior a 6 meses ou a través do emprendemento .

É un proxecto innovador na metodoloxía, no aproveitamento de tódolos recursos humáns do propio concello, na introdución da perspectiva de xénero e tamén no compromiso do concello coa promoción das contratacións das persoas que participen.

A partir do diagnóstico inicial poidemos coñece-las casuísticas particulares de cada participante. Hai persoas que tan só precisen orientación laboral, outras que necesitan potenciar algunha das súas competencias básicas, outras que teñen unha idea empresarial e algunhas que demandan formación ocupacional para poder acceder a unha ocupación concreta.

Para desenvolver este proceso formouse un equipo técnico e recórrese á contratación de servizos externos (sobre todo para iniciativas de formación).
É necesario estar en contacto coa economía local, o mercado de traballo e sobre todo cos empregadores. Para elo, artellouse un Observatorio Local de Emprego e Desenvolvemento Local que se pode consultar en Internet, dentro da web municipal (www.vimianzo.es). Ademais, os seus contidos son divulgados a través de circulares informativas.

INICIATIVAS DE FORMACIÓN:
- Carné de manipulador de alimentos
- Módulos de:
o Cociña
o Camarero de bar e restaurante
o Camarero de andares
o Cultivo baixo abrigo
o Metodoloxía didáctica
o Novas tecnoloxías
- Busca activa de emprego
- Creación de empresas

EMPREGO:
Co fin de apoiar a inserción laboral deste colectivo, o Concello de Vimianzo incluíu nos baremos das contratacións laborais temporais a condición de ser usuario do programa experimental.
Ademais, divúlganse as convocatorias de emprego que se coñecen, a través de circulares informativas.
Resumo da situación socioeconómica do entorno

En decembro de 2005 había 567 persoas de Vimianzo inscritas como demandantes de emprego, delas 259 son homes e 308 mulleres. De todos eles 324 inscritos perciben algún tipo de prestanción, renta ou subsidio (189 homes e 135 mulleres).
A taxa de paro de Vimianzo, segundo o Atlas Socioeconómico de Galicia editado por Caixa Nova en 2005, é do 6.8, distinguindo un 6.3 para os homes e un 7.2 para as mulleres.

Vistos os datos estatísticos que se achegan nos anexos vese necesario introduci-la perspectiva de xénero neste proxecto, xa que son colectivos diferentes os das mulleres e os dos homes e tamén as súas problemáticas e perspectivas para a inserción.

Esta situación é o reflexo da realidade que vive o territorio, nunha coxuntura global rexional similar:

1. Non se crean postos de traballo netos no territorio.
2. O sector primario (agricultura, gandeiría, pesca) está perdendo postos de traballo, e non hai perspectivas de que esto cambie a corto prazo.
3. Non se instalan empresas que creen postos de traballo, ó contrario, algunhas coma os aserraderos, están a pechar e despedir xente.
4. O potencial de creación de postos de traballo do sector terciario é limitado.
5. Aumenta o número de emigrantes retornados (de Suiza, doutras zonas de España, ou de América Latina).
6. Aumenta a poboación activa, sobre todo de mulleres, e isto repercute notablemente no número de demandantes inscritos.
7. Algunhas empresas da zona plantéxanse trasladarse a outras áreas máis achegadas ós seus mercados.
Vese polo tanto, que o potencial de creación de emprego a nivel local é limitado, desde a perspectiva de busca de emprego a corto prazo. Sí existen vías para explora-la posta en marcha de empresas con actividades vinculadas a novos xacementos de emprego, que tamén se tratarán neste proxecto, no apartado adicado a autoemprego.