viernes, 6 de noviembre de 2026
O presidente da Xunta, Emilio Pérez Touriño, afirmou na rolda de prensa posterior ao Consello da Xunta que os proxectos acuícolas que Pescanova ten previsto instalar en Galicia e está a negociar coa Xunta, concretamente en Ribadeo e Xove, duplican o volume de investimento e capacidade de produción do proxecto inicial previsto para Touriñán. Duplican a capacidade de produción prevista para Touriñán ao igual que o investimento, salientou.
O máximo mandatario galego respondeu así ao que considerou unha falsa apreciación que o proxecto Touriñán marche para outro país porque, tal e como indicou, en Galicia se traballa nunha alternativa e ademais, se o proxecto marcha, será para Ribadeo ou Xove. Nestes dous emprazamentos, tal e como destacou o presidente da Xunta, é onde a empresa proxecta a construción de dúas novas plantas acuícolas a e ampliación dunha terceira que xa ten a empresa. Así Touriño destacou que hai proxectos que duplican amplamente a previsión de Touriñán.
O desafío da acuicultura
Antes podíase facer tabula rasa e podíanse destrozar os espazos naturais e se aplaudía e agora hai crecemento e emprego e alternativas para acuicultura pero salvagardando os íconos deste país salientou Touriño. O presidente galego indicou que neste enunciado se atopa o desafío e que a Xunta vai ser capaz de gañalo.
En canto aos proxectos de Pescanova en Galicia , Pérez Touriño salientou que no pasado mes de maio se tramitou a declaración de interese supramunicipal para dous proxectos que se levarán a cabo en Ribadeo e Xove así como a ampliación da planta neste último municipio lugués. Destacou así que a Xunta está a tramitar tres proxectos de plantas de acuicultura de Galicia por parte da empresa Pescanova. Ademais explicou que o vindeiro día 15 de xaneiro se celebrará unha xuntanza entre as diferentes consellerías implicadas xunto coa empresa para analizar o punto actual e seguir cos proxectos en marcha.
Plan galego de acuicultura
O máximo mandatario galego explicou ademais que a Xunta coñeceu un informe oral sobre o Plan Galego da Acuicultura que o venres vai ser presentado ao sector e que prevé a ubicación de 13 novos proxectos no litoral galego. Os espazos previstos no plan cumpren con todos os requisitos ambientais e normas urbanísticas, e todos elas se atopan fóra da Rede Natura 2000. O xefe do Executivo galego anunciou que o Goberno ten como obxectivo que no primeiro semestre do ano en curso se faga efectivo o Plan Galego da Acuicultura.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un período anómalo, xa que as altas presións foron moito máis frecuentes do que cabería agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que cabería agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur. De feito, destacan os altos rexistros acadados entre os días 9 e 15.
A Xunta de Galicia puxo en marcha a campaña de inmunización fronte á gripe e a COVID, que este ano incorpora como principais novidades a extensión da vacina antigripal de alta carga ás persoas de 65 a 69 anos e a ampliación do proxecto piloto de vacinación nos colexios a 75 centros educativos. O inicio oficial tivo lugar nun acto nas residencias de maiores e centros de discapacidade, o colectivo polo que arranca tradicionalmente a campaña debido á vulnerabilidade deste grupo fronte ás infeccións respiratorias.
