jueves, 17 de julio de 2025
A figura do ex presidente da Rexencia de España no século XIX, Pedro de Agar y Bustillo, rememórase en Santa Mariña (Muxía) o día 13 de xaneiro. Trátase, deste xeito, de recuperar un personaxe da historia do noso país bastante esquencido, aproveitando que ven de remata-lo ano adicado á Memoria Histórica.
A Casa de Trillo, da que se conservan documentos forais desde 1558, na actualidade adicada a establecemento de turismo rural, e que foi cuna dos Agar, celebrará unhas xornadas sobre este personaxe.
O día 13, ás cinco da tarde, da comezo unha mesa redonda, con posterior coloquio, da que forman parte os seguintes poñentes:
- Rubén Lois. Director xeral de Turismo e ex decano da Facultade de Xeografía e Historia da Universidade de Santiago.
- Jesús Ángel Sánchez: Doutor en Historia da Arte, profesor na Universidade de Santiago, e autor, entre outros moitos, dun estudo sobre a casa que levantou Agar na rúa que leva o seu nome da cidade de A Coruña.
- Prudencio Viveiro Mogo. Licenciado en Xeografía e Historia. Técnico no arquivo da emigración do Consello da Cultura Galega. Está a remata-la tese doutoral sobre a política liberal no século XIX, baixo a dirección do profesor e ex rector da Universidade de Santiago, Ramón Villares.
- Manuel Vilar Álvarez. Licenciado en Xeografía e Historia, investigador e escritor.
- Alfredo Erias: Licenciado en Xeografía e Historia, escritor, e director do Museo das Mariñas, de Betanzos, cidade na que estivo recluído Agar.
- Alfonso García: Notario, escritor, e estudoso das persoas relevantes do comercio coruñés no século XIX.
Referencias sobre os Agar
Benito de Agar y Leis naceu na actualmente coñecida como Casa de Trillo, en Santa Mariña (Muxía). Máis tarde emigrou ó Novo Reino de Granada, como axudante de cámara do virrei José Alfonso Pizarro, chegando a ocupar, entre outros cargos, o de alcalde da cidade de Santa Fe de Bogotá. O seu fillo, Pedro de Agar y Bustillo, foi un ilustre mariño, e un dos protagonistas da política española da época.
De Agar y Bustillo acadou a presidencia da Rexencia de España en dúas ocasións: 1810 e 1813. Desempeñou ademais o cargo de deputado nas Cortes de Cádiz, ó tempo que, tras ingresar na Armada en 1780, participou en varias accións navais no continente americano.
Máis tarde, os cambios políticos fixeron que Pedro de Agar sofrira desterro na cidade de Betanzos. O clamor popular, que esixía a volta ó poder do prestixioso liberal, provocou que en 1820 asumira a xefatura a política e a capitanía xeral do Reino de Galicia.
O Goberno galego incrementará o orzamento destinado á formación do persoal dos servizos de prevención de incendios forestais ata os 1,8 millóns de euros no bienio 2025-2026, o que supón un 19% máis que no período anterior. Esta medida enmárcase no Plan de Prevención e Defensa contra os Incendios Forestais de Galicia (Pladiga), cuxo obxectivo é minimizar o impacto ecolóxico, económico e social dos lumes, optimizando os recursos dispoñibles. O compromiso formativo da Consellería do Medio Rural xa se reflectiu en 2024, cando se impartiron 473 cursos con 11.447 participantes e máis de 108.000 horas de adestramento. Entre 2019 e 2024 investiuse un total de 2,6 millóns de euros, permitindo a realización de 159 accións formativas e case 469.000 horas lectivas.
O 58% dos 855 ciclos de Formación Profesional ofertados para o próximo curso en Galicia complétanse na primeira adxudicación de prazas pechada onte pola Consellería de Educación, Ciencia, Universidades e FP, e que dá dereito a matricula. Segundo os datos recabados, un total de 56.049 persoas presentaron solicitude para cursar algunha modalidade de Formación Profesional, o que representa un incremento do 3,5% (1.898 solicitudes máis) con respecto ao curso 2024-25, e supón acadar de novo un máximo histórico que confirma o interese que espertan estas ensinanzas.
