viernes, 6 de noviembre de 2026
Un estudio elaborado por Mancomun.org, Iniciativa Galega polo Software Libre (iniciativa impulsada pola Consellaría de Innovación e Industria) indica que o Software Libre está a se desenvolver de xeito moi diferente segundo o ámbito, sendo as empresas TIC (tecnoloxías da información e da comunicación) as entidades que máis empregan esta tecnoloxía, seguida por concellos (32%), centros de ensino (20%) e a PEME (10%).
Mancomun.org, no seu labor coma Observatorio do Software Libre de Galicia, vén de publicar O Software Libre nas entidades de Galiza que salienta unha presenza significativa de Software Libre no eido público cunha porcentaxe importante de Concellos que empregan este tipo de tecnoloxía. Nos centros educativos o uso é menor pero hai unha boa predisposición a empregalo.
No eido empresarial a maior parte das empresas TIC empregan o Software Libre para desenvolver os seus produtos e servizos pero, sen embargo, son reticentes a establecer novas liñas de negocio en Software Libre. As PEME non tecnolóxicas rexistran niveis máis baixos de uso debido ao seu descoñecemento aínda que o software de código aberto goza dunha imaxe excelente polo que moitas empresas sopesan a súa incorporación inmediata.
A pesar de que os índices de uso das novas tecnoloxías son baixos, segundo datos do Libro Blanco do Software Libre Galiza é a cuarta comunidade do Estado en empresas desenvolvedoras de produtos de Software Libre. Ademais desde a posta en marcha de Mancomun.org, Iniciativa Galega polo Software Libre, as actividades de difusión e promoción do código aberto multiplicáronse por tres tendo unha gran resonancia no sector empresarial, a administración local e os centros de ensino secundario.
A Xunta de Galiza adquiriu un compromiso forte e real co uso do Software Libre en todos os ámbitos. Este compromiso vese reflectido de xeito explícito no acordo de goberno da actual Xunta de Galiza e na participación da administración autonómica galega na Rede Internacional de Administracións Públicas para o Software Libre.
Sobre Mancomun.org
Mancomun.org - Iniciativa Galega polo Software Libre pretende ser o punto de encontro das diferentes iniciativas sobre Software Libre que se están a desenvolver dende os diferentes ámbitos: institucional, empresarial, educativo, voluntariado, etc.
É unha iniciativa da Dirección Xeral de Promoción Industrial e da Sociedade da Información, desenvolvida polo Centro de Supercomputación de Galiza (CESGA) que naceu o pasado 10 de maio coa misión de promover o Software Libre en Galiza e así conseguir o desenvolvemento dunha industria do software propia, o uso de ferramentas informáticas no noso idioma, unha rápida integración de Galiza na sociedade da información e o emprego de estándares abertos.
Sobre o Software Libre
O Software Libre son todas aquelas aplicacións informáticas que poden ser usadas, copiadas, modificadas e redistribuídas libremente. Algunha das súas principais vantaxes son o seu menor prezo, a adaptabilidade, a posibilidade de ser traducido a calquera idioma, Son exemplos de Software Libre os sistemas operativos Linux, OpenOffice.org ou Mozilla Firefox. Máis do 60% das páxinas web que existen actualmente en Internet funcionan baixo tecnoloxía libre.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un período anómalo, xa que as altas presións foron moito máis frecuentes do que cabería agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que cabería agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur. De feito, destacan os altos rexistros acadados entre os días 9 e 15.
A Xunta de Galicia puxo en marcha a campaña de inmunización fronte á gripe e a COVID, que este ano incorpora como principais novidades a extensión da vacina antigripal de alta carga ás persoas de 65 a 69 anos e a ampliación do proxecto piloto de vacinación nos colexios a 75 centros educativos. O inicio oficial tivo lugar nun acto nas residencias de maiores e centros de discapacidade, o colectivo polo que arranca tradicionalmente a campaña debido á vulnerabilidade deste grupo fronte ás infeccións respiratorias.
