viernes, 19 de junio de 2026
O director xeral de Cultura, Anxo M. Lorenzo, presentou hoxe o Festival IKFEM, centrado na música relacionada co piano e os instrumentos de teclado, e que celebra a súa 13ª edición do 16 ao 20 de xullo en Tui e Valença do Minho co apoio da Xunta de Galicia.
Así, o director xeral de Cultura, destacou a cita trasfronteiriza que une o talento artístico da península con actuacións especiais como a das galegas Fillas de Cassandra con Milhanas ou a participación de Antonio Orozco con Caixason. Ademais, enxalzou tamén a iniciativa como ponte de unión e reforzo de lazos entre Galicia e Portugal, enriquecendo unha oferta cultural de calidade aos dous lados do Miño.
Neste senso, en Valença do Minho celébranse as dúas primeiras xornadas do festival. Na primeira delas, terá lugar a Gala Caixason, co cantautor español Antonio Orozco e a portuguesa Rita Rocha. Na segunda, na Fortaleza, o concerto conxunto de Milhanas e as galegas Fillas de Cassandra.
Xa en Tui, na alameda de Santo Domingo estará o día 18 o pianista e escritor James Rhodes, mentres que ao día seguinte, no paseo da Corredera, celébrase a final do concurso Novas Ondas Sonoras, onde seis novos talentos galegos e portugueses loitarán polo trofeo. Xa na derradeira xornada e como despedida, actuará no Teatro Municipal o saxofonista Perico Sambeat acompañado pola Orquestra Jazz de Matosinhos, un concerto único que reúne a dous referentes do jazz en España e Portugal.
Ademais, o festival, enmarcado dentro da campaña de verán da Consellería de Cultura, Lingua e Xuventude, Para gustos, cultura, que conta con máis de 3.400 iniciativas de 40 tipoloxías diferentes, ofrece actividades complementarias como os diálogos con artistas, o Foro CaixaSon ou un curso sobre metodoloxía musical impartido por Paco Borro, director da Agrupación Musical Inclusiva do Teatro Real.
O programa formativo Medrando Xuntas permitiu que as mulleres participantes traballasen habilidades clave como a comunicación, a organización, o liderado, a toma de decisións, a participación interna e a mellora da confianza profesional, ao tempo que se fomentou a creación dunha rede de mulleres que se apoian, colaboran e comparten recursos e que se deron a coñecer proxectos que están a transformar a economía. En primeiro lugar, Medrando Xuntas contou cun programa formativo para reforzar a súa participación nas entidades de economía social. En segundo lugar, a formación para directivas estaba dirixida a mulleres con responsabilidades de dirección ou proxección cara ao liderado.
Unha alianza entre o Instituto Tecnolóxico de Galicia (ITG) e as compañías Naturgy InnovaHub e Flythings Technologies desenvolverá unha plataforma enerxética que transformará residuos en produtos de alto valor engadido. Neste caso transformaranse residuos como lodos de depuradora, restos orgánicos e biomasas, en produtos de alto valor engadido como biocombustibles (hidrochar e biometano) e vectores enerxéticos sostibles (hidróxeno e syngas). Para iso, a nova unidade mixta combinará distintas tecnoloxías e incorporará sistemas híbridos de almacenamento con baterías e supercondensadores, ademais de empregar ferramentas como Internet das cousas, os xemelgos dixitais e a aprendizaxe automática.
