viernes, 6 de noviembre de 2026
En Lugo, na Delegación Provincial da Consellería de Cultura e Deporte da Xunta de Galicia, o vintedous de novembro de 2006, reúnese o xurado do VI CONCURSO DE ORNAMENTACIÓN DA RONDA INTERIOR DA MURALLA ROMANA, convocado pola Asociación de Amigos da Muralla de Lugo, formado por:
- D. XOÁN XOSÉ MOLINA VÁZQUEZ, Delegado Provincial de Cultura e Deportes.
- D. MANUEL GULÍN RODRÍGUEZ, Xefe do Servizo do Patrimonio Cultural desta Delegación Provincial.
- D. ALFREDO SÁNCHEZ CARRO, Presidente da Asociación de Amigos da Muralla.
- D. JORGE CHAO LOPEZ, directivo da Asociación de Amigos da Muralla.
- D. XULIO GIZ RAMIL, sen voz nen voto, que actúa como Secretario do Xurado.
Examinadas as candidaturas presentadas a este premio, patrocinado pola Dirección Xeral de Patrimonio Cultural, e visitadas as realizacións candidatas, acordaron por unanimidade concede-los seguintes premios:
1º Premio, dotado con 3.005 e diploma, a Dª TELVA GALÁN ÁLVAREZ, polo ornato do espazo contiguo á Muralla en San Froilán, 8.
2º Premio, dotado con 1.803 e diploma, a D. JESUS MARÍA CABO GOMEZ, polo ornato de espazo inmediato á Muralla, en Praza do Ferrol, 14.
O terceiro premio declárase deserto.
Entre as candidaturas non premiadas, o Xurado quere facer constar o mérito da do Pazo de Orbán e Sangro, na recuperación da Fonte da Pinguela, se ben se considera que non pode ser premiada ó non estar rematadas as obras.
E para que conste, exténdese a presente acta, que asinan de conformidade.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un período anómalo, xa que as altas presións foron moito máis frecuentes do que cabería agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que cabería agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur. De feito, destacan os altos rexistros acadados entre os días 9 e 15.
A Xunta de Galicia puxo en marcha a campaña de inmunización fronte á gripe e a COVID, que este ano incorpora como principais novidades a extensión da vacina antigripal de alta carga ás persoas de 65 a 69 anos e a ampliación do proxecto piloto de vacinación nos colexios a 75 centros educativos. O inicio oficial tivo lugar nun acto nas residencias de maiores e centros de discapacidade, o colectivo polo que arranca tradicionalmente a campaña debido á vulnerabilidade deste grupo fronte ás infeccións respiratorias.
