miércoles, 14 de mayo de 2025
A Vicepresidencia da Xunta -a través do Servizo Galego de Igualdade- vai pór en marcha un sistema de bancos de tempo como experiencia piloto en núcleos rurais de Galiza. Os primeiros municipios onde se experimentará esta iniciativa serán os de Foz e Allariz, determinados tras a realización do estudo Os bancos de tempo: unha estratexia de organización comunitaria no espazo rural, presentado esta mañá en Santiago de Compostela. Esta iniciativa enmárcase dentro do Proxecto Arco, que busca fórmulas de reforzamento da conciliación da vida persoal e laboral no mundo rural.
A iniciativa dos bancos de tempo consiste en crear un campo de intercambio de tempos entre persoas, no que cada persoa ten unha conta cun deber e cun haber, é dicir, no debe están as horas que me presten e no haber están as que eu dou. Cada persoa ofrece ao banco horas do seu tempo en función das habilidades ou coñecementos que ten, e recibe a cambio modalidades de servizos que ofrecen outros usuarios do banco e que se corresponden coas súas necesidades e demandas. A través do banco de tempo o que se intercambian son horas e polo tanto é moito máis que algo máis e algo diferente que voluntariado, xa que non só se dá algo, senón que tamén se recibe. Trátase de estimular procesos de organización comunitaria que faciliten a prestación de servizos ás persoas e ás comunidades.
Dende o Servizo Galego de Igualdade (SGI) destácase que os bancos de tempo son unha iniciativa moderna, que xa leva moitos anos funcionando en Europa (en Italia e en Inglaterra, por exemplo) e tamén nalgún punto de España (como en Barcelona), pero aínda sen practicar no territorio galego. O SGI decidiu pór en marcha esta iniciativa tendo en conta que se trata dun proxecto que se adapta moi ben á idiosincrasia do rural galego, onde sempre existiu unha importante tradición de intercambio de tarefas agrarias. Do que se trata é de mesturar a modernidade de fórmulas como os bancos de tempo coa tradición do traballo voluntario no agro galego.
Plan de traballo
O Servizo Galego de Igualdade desenvolveu nos últimos meses o estudo Os bancos de tempo: unha estratexia de organización comunitaria no espazo rural, que determinou a escolla dos municipios de Foz e Allariz para implantar o proxecto piloto de bancos de tempo. Nos vindeiros meses, técnicos e responsables do SGI traballarán co persoal destes concellos e con persoal das asociacións municipais para facer efectiva a posta en marcha dos bancos de tempo. Unha vez que remate a experiencia piloto, o obxectivo da Vicepresidencia da Xunta é apoiar aos concellos e asociacións que queiran implantar o sistema dos bancos de tempo por consideralo adecuado para o desenvolvemento comunitario do seu territorio.
O conselleiro Román Rodríguez visitou co catedrático de Biotecnoloxía da Universidade de Pensilvania, o galego César de la Fuente, o Centro de Supercomputación de Galicia para firmar un convenio de colaboración entre a Xunta e esta institución académica estadounidense. Durante a visita, o investigador, pioneiro no emprego da IA para o desenvolvemento de antibióticos, puido coñecer as instalacións do centro co que colaborarán para acelerar o descubrimento de antibióticos fronte a bacterias resistentes.
A nova estratexia establece cinco grandes obxectivos para os próximos cinco anos. O primeiro deles é impulsar a creación de novas empresas e o crecemento das que xa existen no ámbito do aeroespazo, da seguridade e da defensa. Na actualidade a Comunidade galega suma 115 centros de traballo xa dedicados ao sector, pero nos vindeiros anos esta cifra podería incrementarse, xa que unhas 150 empresas contan con potencial para incorporarse a este ámbito industrial. O segundo dos obxectivos busca que as industrias que operan neste ámbito diversifiquen a súa produción.
