martes, 11 de agosto de 2026
Galicia lidera a tramitación telemática de creación de empresas en menos de 48 horas cun 23% do total español. En concreto, na Comunidade Autónoma constituíronse 446 empresas baixo a fórmula Sociedade Limitada Nova Empresa, cifra só superada pola Comunidade de Madrid, onde o sistema se implantou con carácter piloto antes que en Galicia. Estes datos foron expostos polo conselleiro de Economía e Facenda, José Ramón Fernández Antonio, na clausura do foro Galicia TIC, evento organizado polo Igape e adicado ao análise da aplicación empresarial das novas tecnoloxías de información e comunicación (TIC).
Na súa intervención, o conselleiro abogou pola incorporación intensa das novas tecnoloxías na xestión empresarial co obxectivo de dar pulo á produtividade e competitividade e impulsar así o crecemento económico no seu conxunto. Segundo Fernández Antonio, o reto de Galicia é avanzar na converxencia en termos de riqueza e emprego, pero tamén en aspectos como a sociedade da información e o coñecemento, as novas tecnoloxías ou a innovación. Neste sentido, engadiu, estamos a falar de elementos que tamén constitúen o reto das empresas que queren ser competitivas e medrar.
A importancia da aplicación destes elementos é unha prioridade tamén no ámbito da Administración co obxectivo de servir ao cidadán de xeito máis eficiente, apuntou o conselleiro. Como exemplo, no ámbito da atención ás empresas, a implantación da constitución telemática de empresas en Galicia permite constituir unha Sociedade Limitada Nova Empresa nun prazo medio de 1,41 días hábiles, fronte a unha media de 2,01 días no ámbito estatal. Igualmente, a extensión da sinatura dixital no Igape, permitiron reducir este ano nun 64% o tempo de tramitación de expedientes no organismo dependente da Consellería de Economía e Facenda.
Cooperación empresarial
O Igape, ademais, ten recollidos nos seus programas de apoio ás empresas liñas específicas adicadas á implantación das TIC e á extensión da sociedade da información entre as empresas galegas. Neste sentido, José Ramón Fernández Antonio aludiu á importancia do desenvolvemento de iniciativas de cooperación neste ámbito, especialmente entre as pemes. A colaboración facilita a incorporación das TIC ás pequenas e medianas empresas de tal xeito que poden acceder ós beneficios das novas tecnoloxías e incrementar a súa productividade e competitividade, explicou o conselleiro. De feito, os 22 proxectos colectivos e tecnolóxicos apoiados polo Igape no último ano beneficiaron a máis de mil empresas galegas.
Finalmente, Fernández Antonio expuxo a importancia e o peso dos programas de impulso da sociedade da información e o I+D nos orzamentos para o próximo ano. Segundo explicou, a dotación destes programas crecen por riba dun 20% respecto do ano anterior mentres que o apoio á modernización e impulso da competitividade medran un 18,9%. En total ao obxectivo de incrementar a investigación o desenvolvemento e a innovación destínanse 401 millons de euros, un 17% máis que neste ano.
Noite Galega das Telecomunicacións
Tras a clausura do foro Galicia TIC, o conselleiro de Economía e Facenda participou nos actos da Noite Galega das Telecomunicacións, organizada polo Colexio de Enxeñeiros de Telecomunicación de Galicia, en A Toxa. José Ramón Fernández Antonio fixo a entrega do Premio Enxeñeiro do Ano 2006 ao director xeral de R, Arturo Dopico; e pronunciou o discurso de clausura do evento.
A loita contra os incendios forestais suma un novo aliado tecnolóxico ao servizo de toda a sociedade. A aplicación móbil ALume, deseñada para facilitar que calquera persoa poida dar a alarma sobre un foco de lume de forma inmediata e precisa, xa se atopa plenamente operativa e dispoñible para a súa descarga de balde nas plataformas Android e iOS. O obxectivo principal desta ferramenta é potenciar a detección temperá dos incendios forestais. Nunha emerxencia no monte, os primeiros minutos son decisivos para evitar que un foco inicial se converta nun gran incendio; por iso, ALume nace para acurtar os tempos de aviso e facilitar ao servizo de extinción datos exactos antes de despregar os medios sobre o terreo. Cabe sinalar que a aplicación leva xa 7.000 descargas e 200 notificacións que axudaron ao operativo.
Un dos grandes atractivos desta undécima edición será a estrea de dez novos espectáculos, todos eles impulsados por compañías galegas, un dato que evidencia o dinamismo creativo do sector dos monicreques na Comunidade. A programación abrirase coa nova versión de A festa dos títeres, presentada por Viravolta, Vai de Roda e Títeres Alakrán, para continuar coa estrea de Treco-lerias, de Trécola Producións, e A rosa de papel, adaptación ao teatro de monicreques do texto de Valle-Inclán realizada por Alakrán.
