martes, 11 de agosto de 2026
Os rapaces e rapazas do Apóstol Santiago recibiron a Óscar Pereiro nun emotivo acto que tivo lugar no colexio. Alí estiveron, ademais dos alumnos e os mestres, o director xeral para o Deporte e Álvaro Pino, director do Karpin Galicia e outros.
Santiago Domínguez afirmou que "o obxectivo é formar cada vez máis practicantes e amantes do deporte, porque así sairán máis campións coma Óscar Pereiro, Javier Gómez Noya ou David Cal". Óscar Pereiro agradeceu a homenaxe e dixo que "este ano vivín os cinco mellores anos da miña vida como ciclista, que de momento, e grazas a vós, aínda continúan".
Bromeando sobre o Karpin Galicia, o ciclista de Mos dixo que "Santiago Domínguez gañoume unha aposta: díxenlle que non sería capaz de crear un equipo profesional galego, e conseguiuno".
Trala intervención de Pereiro, foi a quenda dos rapaces e rapazas, que logo duns momentos de incerteza preguntáronlle a Óscar como foran os seus comezos no ciclismo, que se sente cando se sofre unha "paxara" e ata con que equipo se posicionaba ante o derbi Deportivo-Celta.
No acto tamén se proxectou unha montaxe fotográfica na que se reflectía a carreira deportiva do mellor galego da historia no Tour de Francia.
A loita contra os incendios forestais suma un novo aliado tecnolóxico ao servizo de toda a sociedade. A aplicación móbil ALume, deseñada para facilitar que calquera persoa poida dar a alarma sobre un foco de lume de forma inmediata e precisa, xa se atopa plenamente operativa e dispoñible para a súa descarga de balde nas plataformas Android e iOS. O obxectivo principal desta ferramenta é potenciar a detección temperá dos incendios forestais. Nunha emerxencia no monte, os primeiros minutos son decisivos para evitar que un foco inicial se converta nun gran incendio; por iso, ALume nace para acurtar os tempos de aviso e facilitar ao servizo de extinción datos exactos antes de despregar os medios sobre o terreo. Cabe sinalar que a aplicación leva xa 7.000 descargas e 200 notificacións que axudaron ao operativo.
Un dos grandes atractivos desta undécima edición será a estrea de dez novos espectáculos, todos eles impulsados por compañías galegas, un dato que evidencia o dinamismo creativo do sector dos monicreques na Comunidade. A programación abrirase coa nova versión de A festa dos títeres, presentada por Viravolta, Vai de Roda e Títeres Alakrán, para continuar coa estrea de Treco-lerias, de Trécola Producións, e A rosa de papel, adaptación ao teatro de monicreques do texto de Valle-Inclán realizada por Alakrán.
