jueves, 23 de abril de 2026
Federico García Lorca foi o protagonista absoluto do completo programa de actividades culturais que acolleu a cidade durante toda a xornada. Os actos, organizados polo Foro pola Memoria Republicana de Galicia e o Concello de Lugo, coa colaboración da Consellería de Cultura, contaron con numerosa público durante todo o día. Máis de 40 colectivos e intelectuais desenvolveron algunha parte da extensa programación.
Conmemóranse os 90 anos da primeira visita realizada polo poeta granadino á cidade de Lugo, razón pola que se escolleu esta data para a celebración. Os actos comezaron puntuais, ás dez e media da mañá, e consistiron nun itinerario lorquiano que tivo o seu punto de partida diante da Casa Consistorial. O Alcalde, acompañado por outros concelleiros da Corporación Municipal, percorreu o itinerario no que se fixeron numerosos altos no camiño para ler poemas ou realizar actos simbólicos en homenaxe a Lorca.
O acto principal chegou á unha e media do mediodía, cando se inaugurou un monumento lembrando esta ocasión na praza de Pío XII. Paco Martín fixo de presentador do acto no que quedou ó descuberto a obra do escultor Urza. A continuación, a comitiva desprazouse á Catedral de Lugo, para continuar no parque Rosalía de Castro onde se reciton poemas diante do busto da escritora- e compartirán despois unha comida nas casetas do polbo.
Aínda que este sábado se conmemoraron 90 anos da primeira visita a Lugo de García Lorca no 1916, o itinerario da homenaxe correspóndese coa visita realizada no 1932. Con esta homenaxe púxose en valor a importancia e vinculación do poeta granadino coa cidade, cando aínda era estudante de Filosofía e Letras e viña acompañado dun importante profesor e varios estudantes no que eles nomearon como unha romaxe científica, fai xa 90 anos.
Pola tarde, o acto central das seis e media da tarde consistiu nun encontro literario, musical e político no Salón de Actos de Caixa Galicia, no que participaron as principais figuras da cultura lucense e tamén galega. Houbo versos, cancións, música, danza, glosas literarias e alocucións políticas para Federico e, ó final, distribuíronse exemplares de varios libros sobre un dos poetas españois máis universais.
Estase a celebrar a Asemblea Xeral anual de NECSTouR, a rede de rexións europeas centrada en promover o turismo sostible e competitivo. A xuntanza que se desenvolve baixo o lema 'Turismo e cultura: da creación ao legado -construíndo territorios resilentes e conectados' ten lugar estes días en Bourges, no Val de Loira (Francia), e no marco da mesma, a entidade vén de acordar a celebración da vindeira cita anual en Galicia coincidindo co Xacobeo 2027. En NECSTouR están representadas un total de 44 rexións europeas e 32 organizacións académicas, asociacións e redes de empresas de turismo sostible, que representan a 19 países europeos.
Alfonso Rueda anunciou que Galicia será a primeira comunidade que regule os exames virtuais para o ensino público non universitario. Esta regulación para a 'educación do futuro', que se encadra na futura Lei de educación dixital, contempla o emprego de 'sistemas biométricos que garantan a autenticidade dos resultados' no caso de probas a distancia sen supervisión docente. Neste sentido, cómpre lembrar que esta Lei incorporará outras medidas destinadas a responder os retos presentes e futuros da educación, como que a comunicación entre profesores e familias se produza só a través de Abalar, a prohibición de gravar clases sen autorización, ou a regulación do uso da intelixencia artificial ou do móbil nas aulas.
