jueves, 23 de abril de 2026
A Asociación Galega de Mariscadoras/es (Agamar), tras un seguimento intensivo e constante da problemática xurdida nos
bancos marisqueiros a causa das riadas e ás fortes choivas destes últimos dÃas, considera que chegou o momento de que a ConsellerÃa de Pesca afronte este problema coa maior celeridade posible en todo o relativo á recuperación das zonas afectadas e na concesión de axudas económicas para as mariscadoras.
Ata o momento, Agamar agardou por unha análise reflexiva de todo o acontecido para coñecer con datos obxectivos, unha vez transcorridos os feitos, as consecuencias das choivas, basicamente a falta de salinidade das augas que afecta
directamente ao marisco, alterando o seu hábitat natural. Tamén incidiu negativamente a chegada de lodos procedentes de riadas, agravado isto, por conter cinza a causa da queima dos montes galegos este verán. Todo isto conflúe para que o marisco perda forza e morra.
Pero agora si é o momento de afrontar o problema e, para que as
consecuencias para o sector, que se enfronta á campaña de nadal, sexan as menores posibles, Pesca ten que seguir incidindo na rápida e continuada limpeza e abrir liñas de compensación económica suficientes para as afectadas.
Asemade, dende Agamar apúntase que urxe o desenvolvemento dos proxectos colectivos para o marisqueo, contidos nunha orde do mes de xaneiro da propia ConsellerÃa de Pesca, que prevén traballar na apertura de semilleiros de ameixa (Hatchery) co fin de garantir o material necesario para a recuperación das zonas
afectadas, imprescindible para facer fronte e asumir catástrofes como esta.
Estase a celebrar a Asemblea Xeral anual de NECSTouR, a rede de rexións europeas centrada en promover o turismo sostible e competitivo. A xuntanza que se desenvolve baixo o lema 'Turismo e cultura: da creación ao legado -construÃndo territorios resilentes e conectados' ten lugar estes dÃas en Bourges, no Val de Loira (Francia), e no marco da mesma, a entidade vén de acordar a celebración da vindeira cita anual en Galicia coincidindo co Xacobeo 2027. En NECSTouR están representadas un total de 44 rexións europeas e 32 organizacións académicas, asociacións e redes de empresas de turismo sostible, que representan a 19 paÃses europeos.
Alfonso Rueda anunciou que Galicia será a primeira comunidade que regule os exames virtuais para o ensino público non universitario. Esta regulación para a 'educación do futuro', que se encadra na futura Lei de educación dixital, contempla o emprego de 'sistemas biométricos que garantan a autenticidade dos resultados' no caso de probas a distancia sen supervisión docente. Neste sentido, cómpre lembrar que esta Lei incorporará outras medidas destinadas a responder os retos presentes e futuros da educación, como que a comunicación entre profesores e familias se produza só a través de Abalar, a prohibición de gravar clases sen autorización, ou a regulación do uso da intelixencia artificial ou do móbil nas aulas.
