jueves, 13 de agosto de 2026
A Consellería de Pesca e Asuntos Marítimos participa na XXII edición da feira alimentaria Sial 2006, The Global Food Marketplace, que se celebra en París. O departamento que dirixe Carmen Gallego presentou neste encontro mundial un stand institucional de 310 metros cadrados no que se inclúen 16 coexpositores, na súa maioría do sector conserveiro galego, e no que se desenvolverán diversas degustacións. Con esta instalación, Pesca pretende promocionar e dar a coñecer os produtos galegos da pesca nunha das feiras de alimentación máis importantes do mundo.
O director xeral de Estruturas e Mercados da Pesca, Xosé Manuel López, acudiu á inauguraciáon desta mostra internacional en representación da Consellería de Pesca. Xosé Manuel López visitou as instalacións dos empresarios galegos do sector presentes na feira, cos que mantivo diversos encontros ao longo dos dous días que estivo en Sial 2006.
O salón parisino convértese, cada dous anos, nun escaparate exhaustivo da oferta agroalimentaria mundial. Deste xeito, a mostra supón unha ocasión única para atoparse con máis de 136.000 empresarios de todo o mundo que acoden a esta cita principalmente para contactar con novos proveedores e descubrir novos produtos. Así, este ano, un total de 5.256 expositores de 99 países participan na feira amosando 15 categorías diferentes de artigos de alimentación, entre os que se atopan os produtos do mar, as conservas ou o mundo dos conxelados. Sial é considerado tamén como un observatorio das tendencias de consumo mundiais, en harmonía cos grandes retos do mercado globalizado.
Galicia vén de pechar o mes de xullo máis cálido desde 1961, ano a partir do que se dispón na Comunidade de rexistros climatolóxicos. Esta é a principal conclusión do informe mensual elaborado por MeteoGalicia e que presentou esta mañá en Santiago a directora xeral de Enerxías Renovables e Cambio Climático, Paula Uría. Tal e como explicou, o valor medio da temperatura máxima se situou en 29 graos, cunha anomalía positiva de 3,5 graos en comparación cos rexistros das estacións meteorolóxicas máis representativas da Comunidade. Ademais, no caso da temperatura media o dato situouse en 22,5 graos, 2,8 graos por riba do valor normal climatolóxico para este mes.
O Diario Oficial de Galicia publicou a orde pola que se actualiza a relación de deportistas de alto nivel, alto rendemento, rendemento deportivo de base e vitalicias, así como persoas adestradoras ou técnicas, xuízas e árbitras recoñecidas de alto nivel. Esta actualización súmase ás realizadas en xuño e establece un novo récord de persoas recoñecidas, que ascenden a 1.941, das que 835 son mulleres (43%) e 1.106 homes (57%). Arredor do 76 % das persoas -1.466- son deportistas galegos de alto nivel (623 mulleres e 843 homes). Ademais, figuran 201 deportistas de alto rendemento (101 mulleres e 100 homes), 183 deportistas de rendemento deportivo de base (86 mulleres e 97 homes), 47 persoas técnicas de alto nivel (catro mulleres e 43 homes), 29 persoas árbitras e xuízas (16 mulleres e 13 homes) e 15 deportistas galegos de alto nivel vitalicios.
