miércoles, 12 de agosto de 2026
20 equipos de arquitectos presentaron a súa solicitude para optar a construír o Museo Interactivo da Historia de Lugo, o xa coñecido como MIHL. Dentro da primeira fase do concurso para a redacción do proxecto construtivo, a mesa de contratación comezou esta mañá a estudar e baremar as solicitudes de participación para seleccionar os 5 equipos mellores. De eles sairá escollido, na próxima fase, a proposta definitiva.
Hai un mes e medio aproximadamente que se fixo esta convocatoria pública. Acudiron 20 equipos procedentes de toda España, informaba o alcalde de Lugo minutos antes de entrar na reunión. Esta primeira fase era de libre concorrencia e, debido á contía do museo, o anuncio tamén saiu publicado no Diario Oficial da Comunidade Europea. Segundo se establece nas cláusulas, cada licitador non podía presentar máis dunha proposición.
Lugo da un paso máis para modernizar a súa estrutura museística e turística, afirmou o Alcalde. López Orozco prevé que no mes de abril será adxudicado o proxecto gañador coa fin de que as obras comecen no ano 2007 e espero que o museo sexa realidade no prazo aproximado de 2 anos.
O concurso ten por obxecto seleccionar a proposta que resulte máis idónea para a construcción do MIHL, dedicado á historia da cidade e cunha área de recepción de visitantes. Búscase, como se destaca nas cláusulas, un museo innovador e referente, en concepción e funcionamento, alentador da imaxe da cidade.
As empresas presentadas son:
1.-ESTUDIO ARQUITECTURA AYALA
2.-ANDRÉS FERNÁNDEZ-ALBALAT LOIS
3.-TEMPERATURAS EXTREMAS ARQUITECTOS S.L.
4.-JUNQUERA ARQUITECTOS S.L.
5.-XOSÉ MANUEL LÓPEZ MIHURA
6.-ALFONSO PENELA FERNÁNDEZ
7.-MURADO & ELVIRA ARQUITECTOS
8.-PEDRO QUERO ARQUITECTOS S.L.
9.-ÁNGEL FERNÁNEZ ALBA (ARQ.ASOC.S.L)
10.-PLÁCIDO LIZANCOS MORA
11.-ECOSISTEMA URBANO ARQUITECTOS S.L.
12.-AV6´2 ARQUITECTOS
13.-NIETO SOBEJANO ARQUITECTOS S.L.
14.-HORACIO FERNÁNDEZ DEL CASTILLO
15.-MANSILLA TUÑÓN ARQUITECTOS S.L.
16.- ANDRÉS PEREA ORTEGA EUROESTUDIOS S.L.
17.-BESADA Y FAILDE ARQUITECTOS S.L.
18.-ESTUDIO DL+A
19.-IRISARRI-PIÑEIRA S.L.N.E.
20.-LABORATORIO DE ARQUITECTURA S.L.
Xurado
Os membros do xurado recibiron na reunión unha folla cos criterios do baremo do concurso e a lista dos equipos de arquitectos participantes para poder proceder á selección e baremo. O xurado estivo formado por:
PRESIDENTE: Alcalde de Lugo
VOCAIS:
-A Concelleira de Cultura e Turismo
-Un representante de cada un dos grupos políticos da Corporación (José Ramón Gómez Besteiro-Jaime Castiñeira-Anxo Lage).
-A interventora xeral do Concello.
-Un representante do departamento de Asesoría Xurídica.
-O arquitecto municipal José Antonio Eirín.
-O arquitecto designado polo Colexio Oficial de Arquitectos de Galicia: Felipe Peña.
-Un arquitecto de recoñecido prestixio en España: Santiago Catalán.
-Un representante do Consello da Cultura Galega: Antonio Montero Carro.
-Un representante da Escola de Arquitectura da Universidade da Coruña
-Un representante da Dirección General de Bellas Artes do Ministerio de Cultura: Víctor Cajeao.
COMO SECRETARIA da Mesa de Contratación estivo a Xefa do Servizo de Contratación: Ana Sáez.
Frigsa, exemplar en Galicia
O Alcalde destacou que o museo convertirá a Frigsa na zona dotacional máis importante de Lugo e, diría máis, de Galicia, xa que non hai moitas cidades que reúnan nun espazo: piscinas, un centro social, zonas verdes, a biblioteca municipal, casa da muller, un polideportivo, etc.
O MIHL ten varias partidas orzamentarias: seis millóns de euros acadados polo Concello a través dun crédito novidoso do Ministerio de Industria-, 600.000 euros procedentes do convenio con Erosmer e máis financiamento procedente do Ministerio de Cultura que será pechado exactamente nos vindeiros días-.
O Concello quere desenvolver conxuntamente o continente e o contido do museo. Neste último está a traballar a prestixiosa investigadora Flavia Sparacino e a empresa lucense 3LC encargada de coordinar a un comité de expertos- designados polo Concello.
Galicia vén de pechar o mes de xullo máis cálido desde 1961, ano a partir do que se dispón na Comunidade de rexistros climatolóxicos. Esta é a principal conclusión do informe mensual elaborado por MeteoGalicia e que presentou esta mañá en Santiago a directora xeral de Enerxías Renovables e Cambio Climático, Paula Uría. Tal e como explicou, o valor medio da temperatura máxima se situou en 29 graos, cunha anomalía positiva de 3,5 graos en comparación cos rexistros das estacións meteorolóxicas máis representativas da Comunidade. Ademais, no caso da temperatura media o dato situouse en 22,5 graos, 2,8 graos por riba do valor normal climatolóxico para este mes.
O Diario Oficial de Galicia publicou a orde pola que se actualiza a relación de deportistas de alto nivel, alto rendemento, rendemento deportivo de base e vitalicias, así como persoas adestradoras ou técnicas, xuízas e árbitras recoñecidas de alto nivel. Esta actualización súmase ás realizadas en xuño e establece un novo récord de persoas recoñecidas, que ascenden a 1.941, das que 835 son mulleres (43%) e 1.106 homes (57%). Arredor do 76 % das persoas -1.466- son deportistas galegos de alto nivel (623 mulleres e 843 homes). Ademais, figuran 201 deportistas de alto rendemento (101 mulleres e 100 homes), 183 deportistas de rendemento deportivo de base (86 mulleres e 97 homes), 47 persoas técnicas de alto nivel (catro mulleres e 43 homes), 29 persoas árbitras e xuízas (16 mulleres e 13 homes) e 15 deportistas galegos de alto nivel vitalicios.
