miércoles, 12 de agosto de 2026
O conselleiro de Economía e Facenda, José Ramón Fernández Antonio, entregou á presidenta do Parlamento de Galicia, Dolores Villarino Santiago, o proxecto de Lei de Orzamentos de Galicia para o 2007, co que se inicia a tramitación parlamentaria das contas que deberán ser aprobadas a finais deste ano. Con este acto, cúmprese en forma e prazo a entrega dos presupostos galegos que a partires da semana que vén serán expostos e debatidos na Cámara galega.
Na rolda de prensa celebrada despois o acto, o conselleiro explicou que o proxecto elaborado persegue o obxectivo global de situar a Galicia na senda da converxencia coas sociedades máis desenvolvidas a través dun novo modelo de crecemento que combina o impulso económico e o gasto social. Afrontamos un cambio profundo da política económica para mobilizar os recursos de formación do capital humano e a innovación e así impulsar o desenvolvemento, a competitividade e o emprego, afirmou Fernández Antonio. Neste sentido, as Contas da Xunta poñen o acento na consecución dunha economía máis competitiva que permita á súa vez o impulso das políticas sociais e a creación de emprego de calidade.
A acción de Goberno para o próximo ano enmárcase ademais, segundo explicou o conselleiro, no novo periodo de fondos comunitarios que comenza o próximo 1 de xaneiro. Neste sentido, lembrou a reorientación no destino dos fondos comunitarios recollida no Marco Estratéxico de Converxencia Económica de Galicia (Mecega) 2007-2013, que recollen os obxectivos básicos da Agenda de Lisboa e perseguen o crecemento en termos de riqueza e emprego grazas a unha economía baseada no coñecemento.
Orzamentos para a dinamización
No seu repaso aos grandes capítulos dos Orzamentos, o conselleiro destacou o forte incremento dos gastos de capital (9,9%) que medran por riba do gasto corrente (8,3%). Segundo explicou, o esforzo investidor da Xunta para o ano que vén susténtase nun importante crecemento do aforro, que medra un 20%, grazas a contención do crecemento dos gastos correntes. Ademais, engadiu, o endebedamento previsto no exercicio diminúe nun 33% e destínase a investimentos produtivos case na súa totalidade (85 millóns de euros). Fernández Antonio tamén explicou que máis da cuarta parte do gasto non financeiro adícase a gastos de capital.
En canto ás prioridades de gasto, o conselleiro lembróu os grandes obxectivos dos Orzamentos e absorben o 70% do crecemento do Orzamento. Ademais, repasou as novidades fiscais incluidas no proxecto de Lei, e subliñou as melloras introducidas nos ámbitos de control, transparencia e mellora da xestión. Neste sentido, subliñou a maior transparencia que se deriva do acomodamento dos programas aos obxectivos de Goberno; e o impulso da medición por resultados a través de indicadores. Con estas medidas, engadiu, se potencian os principios de eficacia, eficiencia e transparencia na xestión dos recursos públicos.
Galicia vén de pechar o mes de xullo máis cálido desde 1961, ano a partir do que se dispón na Comunidade de rexistros climatolóxicos. Esta é a principal conclusión do informe mensual elaborado por MeteoGalicia e que presentou esta mañá en Santiago a directora xeral de Enerxías Renovables e Cambio Climático, Paula Uría. Tal e como explicou, o valor medio da temperatura máxima se situou en 29 graos, cunha anomalía positiva de 3,5 graos en comparación cos rexistros das estacións meteorolóxicas máis representativas da Comunidade. Ademais, no caso da temperatura media o dato situouse en 22,5 graos, 2,8 graos por riba do valor normal climatolóxico para este mes.
O Diario Oficial de Galicia publicou a orde pola que se actualiza a relación de deportistas de alto nivel, alto rendemento, rendemento deportivo de base e vitalicias, así como persoas adestradoras ou técnicas, xuízas e árbitras recoñecidas de alto nivel. Esta actualización súmase ás realizadas en xuño e establece un novo récord de persoas recoñecidas, que ascenden a 1.941, das que 835 son mulleres (43%) e 1.106 homes (57%). Arredor do 76 % das persoas -1.466- son deportistas galegos de alto nivel (623 mulleres e 843 homes). Ademais, figuran 201 deportistas de alto rendemento (101 mulleres e 100 homes), 183 deportistas de rendemento deportivo de base (86 mulleres e 97 homes), 47 persoas técnicas de alto nivel (catro mulleres e 43 homes), 29 persoas árbitras e xuízas (16 mulleres e 13 homes) e 15 deportistas galegos de alto nivel vitalicios.
