miércoles, 12 de agosto de 2026
O Servizo de Gardacostas da Consellería de Pesca levou a cabo, de xaneiro a outubro, 416 servizos de inspección e vixilancia pesqueira na Ría do Burgo. Os dez axentes dos que dispón a
base operativa da Coruña realizaron 143 actuacións por terra e 163 por mar, ademais de 110 operativos conxuntos coa Policía Autonómica e a Garda Civil.
Nos últimos meses, a Consellería de Pesca incrementou notablemente os operativos de vixilancia nesta zona. De feito, o 80% dos servizos que presta a unidade coruñesa están adicados exclusivamente a inspeccionar a Ría do Pasaxe, controlando sobor de todo a actividade marisqueira. Con este mesmo obxectivo, o Servizo de Gardacostas está efectuando tamén numerosos controis aéreos, tanto diurnos como nocturnos, para reforzar o dispositivo de vixilancia habitual por terra e mar. Deste xeito, o helicóptero Pesca 2, que ten base en Celeiro, é o encargado de sobrevolar as bateas e as zonas marisqueiras máis importantes da ría para intentar disuadir aos furtivos das súas actividades.
Resultados das actuacións de vixilancia
Froito destas actuacións, os axentes do departamento dirixido por Carmen Gallego decomisaron no presente ano 864 quilos de especies: 626 de berberecho, 159 de ameixa babosa, 62 de ameixa fina, 15 de minchas e dous quilos de ostras.
Incautáronse tamén máis dun centenar de medios materiais, entre as que se atopaban 19 plataformas flotantes, unha decena
de embarcacións e numerosos útiles de marisqueo. Como resultado, o persoal da Xunta levantou 146 actas de infracción.
Galicia vén de pechar o mes de xullo máis cálido desde 1961, ano a partir do que se dispón na Comunidade de rexistros climatolóxicos. Esta é a principal conclusión do informe mensual elaborado por MeteoGalicia e que presentou esta mañá en Santiago a directora xeral de Enerxías Renovables e Cambio Climático, Paula Uría. Tal e como explicou, o valor medio da temperatura máxima se situou en 29 graos, cunha anomalía positiva de 3,5 graos en comparación cos rexistros das estacións meteorolóxicas máis representativas da Comunidade. Ademais, no caso da temperatura media o dato situouse en 22,5 graos, 2,8 graos por riba do valor normal climatolóxico para este mes.
O Diario Oficial de Galicia publicou a orde pola que se actualiza a relación de deportistas de alto nivel, alto rendemento, rendemento deportivo de base e vitalicias, así como persoas adestradoras ou técnicas, xuízas e árbitras recoñecidas de alto nivel. Esta actualización súmase ás realizadas en xuño e establece un novo récord de persoas recoñecidas, que ascenden a 1.941, das que 835 son mulleres (43%) e 1.106 homes (57%). Arredor do 76 % das persoas -1.466- son deportistas galegos de alto nivel (623 mulleres e 843 homes). Ademais, figuran 201 deportistas de alto rendemento (101 mulleres e 100 homes), 183 deportistas de rendemento deportivo de base (86 mulleres e 97 homes), 47 persoas técnicas de alto nivel (catro mulleres e 43 homes), 29 persoas árbitras e xuízas (16 mulleres e 13 homes) e 15 deportistas galegos de alto nivel vitalicios.
