Notas de prensa

Preséntase a Cooperativa Árbore Consumo Consciente

Consumo Consciente Arbore, Sociedade Cooperativa Galega, é un proxecto empresarial que ten como finalidade e causa social a asociación de consumidores e usuarios/as, en réxime de socios/as da Cooperativa, coa finalidade de conquerir e distribuir entre eles/as productos de alimentación sás, e de fogar, de procedencia preferiblemente ecolóxica e biolóxica, cunha óptima relación calidade-prezo, coma parte dun proxecto socio-cultural enmarcado nos principios dunha economía social, ecolóxica e solidaria.

A cooperativa Arbore é pioneira en Galicia, suplindo a carencia na nosa comunidade autónoma dun proxecto que materialice, sólida e viablemente os principios do noso proxecto.

Elexiu-se Vigo como centro de ubicación da empresa, por ser esta cidade, e a súa bisbarra e zoa de influencia, un espazo óptimo para a viabilidade e expansión do proxecto, polas súas características sociais e súa ubicación xeográfica.

As persoas que constituimos a Cooperativa somos consumidores de productos ecolóxicos e decidimos fundar unha cooperativa para materializar o noso desexo de facer un consumo consciente, apoiando ao agricultor galego e respeitando o medio ambiente e o resto dos animais. Decidimos ter unha tenda propia onde poder mercar estes productos a un prezo asequible, que puidera estar xestionada por nós mesmos, puidendo abastecela dos productos que quixéramos e, en definitiva, ter un sentimento de propiedade que facilitara darlle o rumbo que o grupo considerase máis apropiado, asumindo tamén as responsabilidades económicas e de xestión. O nome que se lle puxo á Cooperativa é Consumo Conscente Arbore, Sociedade Coop. Galega, para amosar o noso interese, non só polo producto ecolóxico, senón por realizar un consumo responsable, sendo conscentes das consecuencias que implican o noso consumo, cuns criterios fundamentais consensuados na Asamblea Xeral.

É por isto que unha das esixencias cos productos de alimentación é que sexan de producción ecolóxica. Aínda así, non sempre atopamos todos os productos que desexamos coa certificación oficial: C.R.A.E.G.A. Cos productos frescos (froitas e verduras), no caso de que exista un coñecemento directo por parte dalgunha das persoas socias, considerámolo como un abal suficiente de producción ecolóxica, namentres ese productor consegue dito certificado. Tamén facemos visitas organizadas dos/as socios/as da Cooperativa aos lugares de producción. Noutros casos, o producto non ecolóxico aparece na nosa tenda atendendo a outros criterios, como son: os de Comercio Xusto, os productos de limpeza e hixiene que sexan limpos co medio ambiente, os desprovistos de sufrimento dos animais, e os producidos por outras Cooperativas, xa que un dos nosos fins e o fomento do cooperativismo.

Outro dos nosos intereses é o de comercializar productos a granel, por motivos económicos e ecolóxicos. Os productos a granel son mais baratos, desta forma conseguimos que este tipo de alimentación sá esté ó alcance de tódo-los extractos sociales. E tamén desta forma disminuimos o número de envases e embalaxes, reducindo a contaminación do medio. Temos a granel cereais, legumes, sementes, fariñas, algas, plantas medicinais, froitos secos, froitas, verduras e todo o que podemos dispoñer desta forma.

A Cooperativa ten uns terreos en Valadares onde colleitamos algúns dos productos ofertados, seguindo sempre parámetros de producción ecolóxica (sen usar nitratos nen pesticidas).

Reparto a domicilio: A Cooperativa Árbore ofrece tamén un servizo de reparto a domicilio pola área metropolitana de Vigo, é dicir, o Morrazo ( mércores ), Val Miñor ( venres ) e o Val da Louriña ( martes ). Como xa saberedes, en Tui temos un posto no mercado, que se celebra os xoves durante todo o ano.