miércoles, 12 de agosto de 2026
O equipo de Special Olympics Galicia, integrado por 10 deportistas, participou do 11 ao 15 de outubro nos Xogos Special Olympics Lloret 2006, celebrados na cidade de Lloret del Mar. Os Xogos, que reunían a máis de 1.200 deportitas de máis de 20 países diferentes e a 1.000 voluntarios, contaban con numerosas disciplinas de participación tanto de deportes en equipo como individuais. As competicións que se levaron a cabo en deportes de equipos foron as de fútbol sala, baloncesto, petanca e jockey interior; mentres que de xeito individual competiuse en tenis de mesa, ciclismo, gimnasia, atletismo, natación, bádminton, tenis e vela.
A expedición de Special Olympics Galicia participou cun equipo de 8 deportistas da Asociación Aspronaga da Coruña, e da Asociación ASPAS de Santiago na competición de fútbol sala no nivel II (intermedio) levándose a medalla de ouro logo de resultar gañadores tanto na liguilla como na cruzada.
O equipo galego tamén participou na competición individual de bádmington no nivel I (alto) con dúas representantes, Eva María Fernández Dans, que acadou unha medalla de bronce; e María del Mar Insua Álvarez-Neira, que logrou unha medalla de participación. Ámbalas dúas da Asociación Aspronaga.
O equipo gañador de fútbol sala estaba formado por Juan Carlos Sánchez Barbero; Jose Leopoldo Sastre Romero; e José Jesus Pazos Nieto da Asociación ASPAS; e Manuel Antonio Paz Patiño; Javier Riveira Buján; Ramón Canosa Canosa; Luis Esteban Vilar Mariñas; e Sergio Almeida Manarte, da Asociación ASPRONAGA.
As competicións de Special Olympics contan con tres niveis de participación en función do coñecemento que os deportistas teñen das regras de xogo das competicións así como das súas limitacións á hora de realizar exercicio físico, existindo nivel I (alto), nivel II (intermedio) e nivel III (baixo).
Galicia vén de pechar o mes de xullo máis cálido desde 1961, ano a partir do que se dispón na Comunidade de rexistros climatolóxicos. Esta é a principal conclusión do informe mensual elaborado por MeteoGalicia e que presentou esta mañá en Santiago a directora xeral de Enerxías Renovables e Cambio Climático, Paula Uría. Tal e como explicou, o valor medio da temperatura máxima se situou en 29 graos, cunha anomalía positiva de 3,5 graos en comparación cos rexistros das estacións meteorolóxicas máis representativas da Comunidade. Ademais, no caso da temperatura media o dato situouse en 22,5 graos, 2,8 graos por riba do valor normal climatolóxico para este mes.
O Diario Oficial de Galicia publicou a orde pola que se actualiza a relación de deportistas de alto nivel, alto rendemento, rendemento deportivo de base e vitalicias, así como persoas adestradoras ou técnicas, xuízas e árbitras recoñecidas de alto nivel. Esta actualización súmase ás realizadas en xuño e establece un novo récord de persoas recoñecidas, que ascenden a 1.941, das que 835 son mulleres (43%) e 1.106 homes (57%). Arredor do 76 % das persoas -1.466- son deportistas galegos de alto nivel (623 mulleres e 843 homes). Ademais, figuran 201 deportistas de alto rendemento (101 mulleres e 100 homes), 183 deportistas de rendemento deportivo de base (86 mulleres e 97 homes), 47 persoas técnicas de alto nivel (catro mulleres e 43 homes), 29 persoas árbitras e xuízas (16 mulleres e 13 homes) e 15 deportistas galegos de alto nivel vitalicios.
