sábado, 7 de noviembre de 2026
O Goberno galego segue a despregar todos os recursos operativos necesarios para facer fronte ao vertido tóxico do rÃo Umia, provocado polo incendio dunha empresa de produtos quÃmicos en Caldas de Reis. Asà o salientou o conselleiro de Medio Ambiente ante os medios de comunicación, logo de reunirse, xunto coa conselleira de Pesca, co presidente galego, Emilio Pérez Touriño, con quen analizaron como está a evolucionar a situación.
O titular de Medio Ambiente salientou que o Goberno da Xunta está a abordar a situación “con total transparencia”, en permanente contacto e colaboración con todas as administracións implicadas e os sectores afectados. Manuel Vázquez agradeceu, neste sentido, a colaboración e implicación das administracións, empresas e sectores.
Nesta liña, tamén lembrou que se vai reunir co presidente da Deputación Provincial de Pontevedra e cos alcaldes dos municipios afectados co obxectivo de darlles “cumprida conta” de todos os datos dispoñibles a cada momento. “Queremos abordar este tema con absoluta transparencia” para que “teñan coñecemento de todo o que está pasando”, asegurou Manuel Vázquez.
Contención da auga nos diques
Na súa comparecencia ante os medios de comunicación, o titular de Medio Ambiente salientou que durante a xuntanza co presidente da Xunta, tanto a titular de Pesca coma el tiveran a oportunidade de analizar co presidente a situación do rÃo Umia, lembrando que, desde o venres a mediodÃa cando se produciu o accidente, o máximo mandatario galego estivo ao tanto da situación e seguiu a súa evolución.
Manuel Vázquez explicou aos medios que o obxectivo da ConsellerÃa que dirixe neste momento é seguir contendo a mancha no primeiro dique do rÃo. Ao seu carón hai unha “inmensa piscina” na que o departamento autonómico puxo “todos os sistemas de decantación e depuración” da auga.
Segundo explicou o conselleiro, unha vez que a auga pase polo dique analizarÃase para ver como entra e sae. Se a auga sae en boas condicións, derivarase cara a canle natural do rÃo. Do contrario, pasarÃase a unha primeira cubeta para almacenala e sometela a novos tratamentos.
De todos xeitos, hai previstos un segundo e un terceiro diques, para liberar a auga de carga tóxica, por se fosen necesarios.
O conselleiro de Medio Ambiente, non obstante, amosouse optimista porque, segundo sinalou, xa onte á noite “o PH da masa da auga pasou do 2,2 ata o 4,4, e dicir xa empezamos a ter unha masa de auga con un PH que se empeza a aproximar ao ideal, que é por enriba de 6”, argumentou.
Abastecemento
Asà mesmo, Manuel Vázquez lembrou que outro dos obxectivos principais do Goberno galego nestes momentos é construÃr unha tuberÃa de 17 quilómetros de lonxitude para poder abastecer de auga á poboación de VilagarcÃa. “Onte á noite tiñamos explanado os 17 quilómetros de rÃo para tender a circulación que vai abastecer a auga”, sinalou o conselleiro, recoñecendo que existe “unha dificultade loxÃstica” que é traer o tubo necesario ata Galicia.
Para superar este obstáculo, o conselleiro sinalou que se celebrou unha reunión entre as empresas, a Garda Civil de Tráfico e a Dirección Xeral de Transportes para establecer un “operativo de transporte de tubo” desde diversos puntos de España que permita solventar o problema. De ser preciso, segundo salientou Manuel Vázquez, incluso poderÃa actuar para o transporte do tubo os transportes especiais do exército. “Para nós –argumentou- un dato moi importante serÃa de hoxe en 48 horas poder ter rematado o abastecemento polo menos, ata VilagarcÃa”.
Técnicos de pesca
Ademais dos efectivos da ConsellerÃa de Medio Ambiente, desde o departamento de Pesca tamén está a realizar un continuo traballo de mostreo en auga e en produto para garantir un perfecto estado dos bancos marisqueiros.
Segundo explicou a titular deste departamento autonómico, Carmen Gallego, nestes momentos a ConsellerÃa de Pesca ten desprazadas á zona arredor de 60 persoas, entre efectivos de inspección pesqueira e gardacostas, biólogos e asistencias técnicas.
O obxectivo é realizar un programa de analÃticas “intenso” e seguir a manter reunións co sector pesqueiro e marisqueiro, salientou Carmen Gallego, lembrando que á fronte deste operativo está o director do Intecmar e o director do Centro de Investigacións Mariñas que “irán informando puntualmente ao sector de calquera incidencia que puidera ocorrer”.
Mariscadoras traballando con normalidade
Na mesma liña, a titular de Pesca lembrou que tras un peche cautelar dunha "pequena zona" próxima á desembocadura do rÃo Umia, xa se levantou a prohibición e reanudáronse os labores de marisqueo, polo tanto, as mariscadoras da zona puideron traballar hoxe con total normalidade.
Control das empresas
Por último, Manuel Vázquez salientou que a ConsellerÃa que dirixe deu conta ao fiscal medioambiental da situación para que realice a investigación pertinente e dite as medidas oportunas respecto á empresa de produtos quÃmicos que provocou o vertido.
“Medioambientalmente esa empresa nunca deberÃa estar aÔ, argumentou Manuel Vázquez, lembrando que o departamento autonómico que dirixe traballará arreo para garantir que ningunha empresa destas caracterÃsticas ou similares se instale en zonas como a de Caldas de Reis. É preciso “reflexionar sobre que hai determinadas empresas que non se poderán situar en determinadas zonas”, sinalou, lembrando que a Xunta esixirá cada vez máis garantÃas a empresas destas caracterÃsticas.
A Filmoteca de Galicia pon o foco da súa carteleira para novembro na estrea do ciclo dedicado ao guionista Rafael Azcona no centenario do seu nacemento, unha escolma do cinema do xaponés Keisuke Kinoshita e a visita de James Benning para presentar as súas dúas últimas pelÃculas. Coa proxección de El pisito, de Marco Ferreri, comeza esta mesma tarde a ConsellerÃa de Cultura, Lingua e Xuventude a conmemoración do centenario de Rafael Azcona, que ata o mes de xaneiro ofrecerá unha escolma representativa da súa dilatada carreira xunto a grandes directores do cinema español. Este mes poderá verse El jardÃn de las delicias, de Carlos Saura; El anacoreta, de Juan Estelrich, e El año de las luces, de Trueba.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un perÃodo anómalo, xa que as altas presións foron moito máis frecuentes do que caberÃa agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que caberÃa agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur.
