viernes, 14 de agosto de 2026
O director xeral de Acción Social da Vicepresidencia da Xunta, Bieito Seara, acudiu ao Asilo San Marcos, en Santiago, para interesarse polos posibles problemas que un incendio forestal orixinado na zona puidera ter causado aos usuarios deste centro.
No asilo, Seara trasladou á directora do mesmo en nome do vicepresidente da Xunta a súa disposición para o traslado dos residentes ou calquera outra axuda que puideran precisar.
O incendio orixinado nesta zona de Santiago está controlado e non afectou ao inmoble, de titularidade integramente privada e xestionado por unha entidade relixiosa, pero o director xeral de Acción Social ofreceulle aos seus responsables, os centros e medios dos que dispón a Vicepresidencia por se consideran necesario o traslado de algún residente dos 200 usuarios que ten este centro, ou calquera outra axuda.
Xuntanzas do vicepresidente da Xunta
O vicepresidente da Xunta de Galicia, Anxo Quintana, reuniuse co presidente da Federación de Sociedades Galegas en Bos Aires e tamén recibiu a representantes da Casa de Boiro en Arxentina.
Fotografías correspondentes ós encontros do vicepresidente da Xunta xa referidos
Galicia vén de pechar o mes de xullo máis cálido desde 1961, ano a partir do que se dispón na Comunidade de rexistros climatolóxicos. Esta é a principal conclusión do informe mensual elaborado por MeteoGalicia e que presentou esta mañá en Santiago a directora xeral de Enerxías Renovables e Cambio Climático, Paula Uría. Tal e como explicou, o valor medio da temperatura máxima se situou en 29 graos, cunha anomalía positiva de 3,5 graos en comparación cos rexistros das estacións meteorolóxicas máis representativas da Comunidade. Ademais, no caso da temperatura media o dato situouse en 22,5 graos, 2,8 graos por riba do valor normal climatolóxico para este mes.
O Diario Oficial de Galicia publicou a orde pola que se actualiza a relación de deportistas de alto nivel, alto rendemento, rendemento deportivo de base e vitalicias, así como persoas adestradoras ou técnicas, xuízas e árbitras recoñecidas de alto nivel. Esta actualización súmase ás realizadas en xuño e establece un novo récord de persoas recoñecidas, que ascenden a 1.941, das que 835 son mulleres (43%) e 1.106 homes (57%). Arredor do 76 % das persoas -1.466- son deportistas galegos de alto nivel (623 mulleres e 843 homes). Ademais, figuran 201 deportistas de alto rendemento (101 mulleres e 100 homes), 183 deportistas de rendemento deportivo de base (86 mulleres e 97 homes), 47 persoas técnicas de alto nivel (catro mulleres e 43 homes), 29 persoas árbitras e xuízas (16 mulleres e 13 homes) e 15 deportistas galegos de alto nivel vitalicios.
