viernes, 23 de mayo de 2025
¿Para quen?
Para nenos/as de 3 a 8 anos, sos ou acompañados de persoas adultas
¿Onde?
No Laboratorio das Artes (espazo de didáctica no primeiro andar)
¿Cando?
De martes a sábados (festivos incluídos), de 12.00 a 14.00
Produción
MARCO, Departamento Educativo
Deseño do programa: Pedro A. Cordón Casais e Mª Xosé Martínez Pérez, coa colaboración de Anxeles Rodríguez Bermúdez
Prezo
Os talleres son gratuítos para o público infantil. Os adultos acompañantes deberán abonar a entrada do museo segundo os días e tarifas correspondentes.
Tarifa de entrada: 3
Mércores todo o día: entrada gratuíta
Amigos do MARCO: entrada gratuíta
Estudiantes con carné/maiores de 65 anos/desempregados/pensionistas: 2
Familia numerosa: 1
Máximo 3 nenos por adulto. Posibilidade de reservas para grupos até un máximo de 15 participantes por día.
INFORMACIÓN XERAL
Para os meses de verán, o departamento educativo do MARCO ten preparado un programa de talleres infantís que leva por título OLLADAS DO REVÉS / MIRADAS DEL REVÉS, no que o achegamento a outras culturas serve de base para realizar proxectos artísticos cunha clara orientación didáctica. Inspirado na exposición DO REVÉS. Artistas contemporáneos de Israel, e desenvolvido paralelamente a esta mostra, o eixo do programa é intentar observar o mundo dende outros puntos de vista, a través da realidade de culturas diferentes á propia.
O fío condutor é unha viaxe ao redor do mundo. A través dun conxunto de actividades narracións orais, talleres artísticos, proxectos colectivos, visitas ás salas de exposición entramos en contacto con obxectos e personaxes doutros países e culturas, que serven de base para realizar proxectos artísticos individuais e colectivos. Deste modo fomentamos a súa creatividade, o disfrute e a experimentación con diversas técnicas e soportes, ao tempo que lles axudamos a ser conscientes da diversidade do mundo.
OBXECTIVOS
- Fomentar o respecto por realidades distintas á propia, e o recoñecemento das diversidades e similitudes como elementos enriquecedores das distintas culturas
- Contribuír á educación da mirada; potenciar a percepción visual e sensorial
- Mellorar habilidades e capacidades de observación, reflexión e interpretación
- Potenciar a creatividade e imaxinación
- Axudar a construír valores como tolerancia e solidariedade
ACTIVIDADES
Os martes, mércores, xoves e venres, as sesións inícianse cunha narración oral, que se utiliza como punto de partida para o desenvolvemento dun proxecto artístico.
1ª parte: VIAXES DO REVÉS
A narración oral, que algunhas veces vai acompañada de proxeccións de imaxes, permítenos situarnos xeograficamente no lugar escollido, introducir algúns elementos de interese, e motivar aos nenos cara á actividade posterior. Os protagonistas da viaxe son cinco animais de diferentes características (un elefante, unha balea, un aguia, un camaleón, un camelo) que axudan a construír a historia de cada día e que nos acompañarán en cada percorrido.
2ª parte: PROXECTOS DIFERENTES
Na segunda parte da sesión desenvolvemos proxectos artísticos relacionados directa ou indirectamente coa cultura protagonista da nosa historia. Ademais, nun diario de viaxe ou pasaporte que preparamos o primeiro día, cada neno debuxará ou escribirá algo sobre a historia dese día como memoria do lugar visitado.
Os sábados, unha obra da mostra DO REVÉS será a base da nosa actividade, polo que, en lugar da historia narrada, a sesión iníciase cunha visita ás salas de exposición, o que dará lugar a un proxecto colectivo.
CALENDARIO TEMÁTICO
SEMANA 1 (do 11 ao 15 de xullo)
A viaxe
Día 1: O pasaporte, diario dunha viaxe
Día 2: A maleta salvaxe
Día 3: Unha viaxe complicada
Día 4: Baixo as estrelas (unha bonita historia)
Día 5: visita á exposición DO REVÉS + proxecto colectivo (Mans unidas)
SEMANA 2 (do 18 ao 22 de xullo)
América do Sur
Día 1: Papel Mola
Día 2: Saci-Perere
Día 3: Palo de choiva
Día 4: Sol azteca
Día 5: visita á exposición DO REVÉS + proxecto colectivo
SEMANA 3 (do 25 ao 29 de xullo)
América do Norte
Día 1: Totem
Día 2: Escudo indio
Día 3: Pinturas navajo
Día 4: Skyline
Día 5: visita á exposición DO REVÉS + proxecto colectivo
SEMANA 4 (do 1 ao 5 de agosto)
África
Día 1: Makala
Día 2: Máscaras africanas
Día 3: A sabana
Día 4: Os exipcios
Día 5: visita á exposición DO REVÉS + proxecto colectivo
SEMANA 5 (do 8 ao 12 de agosto)
Asia e Oceanía
Día 1: Boneco Daruma
Día 2: Dragón chinés
Día 3: Cometa xaponesa
Día 4: Mans aborixes
Día 5: visita á exposición DO REVÉS + proxecto colectivo
SEMANA 6 (do 15 ao 19 de agosto)
O mundo
Día 1: ¡Olá!
Día 2: Un puzzle de razas
Día 3: O planeta terra
Día 4: Colaxe do mundo
Día 5: visita á exposición DO REVÉS + proxecto colectivo
SEMANA 7 (do 22 ao 26 de agosto)
Artefactos
Día 1: Móbiles de metal
Día 2: Pinturas de serrín
Día 3: Mosaicos
Día 4: O xardín zen
Día 5: visita á exposición DO REVÉS + proxecto colectivo
SEMANA 8 (do 29 de agosto ao 2 de setembro)
Do revés
Día 1: Calendario chinés
Día 2: Escritura árabe
Día 3: O día feliz dos mortos
Día 4: Un conto que non se le
Día 5: visita á exposición DO REVÉS + proxecto colectivo
Tivo lugar a V edición do Foro de Directores de Informática, que reuniu aos responsables de dixitalización das 17 Comunidades Autónomas, onde se debateu o papel das administracións públicas para garantir que a intelixencia artificial beneficie a toda a poboación, con independencia das condicións sociais ou económicas. Os responsables autonómicos compartiron experiencias e analizaron os retos para a aplicación de tecnoloxías como a ciberseguridade ou a intelixencia artificial. Houbo, así mesmo, unha sesión de traballo para analizar o futuro dos fondos europeos para avanzar na modernización tecnolóxica das rexións.
Desde o Xacobeo 21-22, máis de 2,5 millóns de persoas participaron nas actividades impulsadas baixo esta marca, que se consolidou como un motor económico e social. Este ano, os Concertos do Xacobeo acollerán case 100 eventos en máis de 50 localidades de toda Galicia, reunindo a 700 artistas de primeira liña, tanto internacionais como nacionais e galegos. A programación combinará grandes nomes da escena musical global, como Kings of Leon, Lenny Kravitz ou Alanis Morisette, con recoñecidos artistas galegos como Tanxugueiras, Guadi Galego ou Xoel López. A diversidade da programación, tanto en estilos como en formatos, permitirá atraer a públicos variados e reforzar a imaxe de Galicia como destino cultural dinámico, onde tradición e modernidade conviven nos escenarios.
