lunes, 22 de diciembre de 2025
O conselleiro de Presidencia, Administracións Públicas e Xustiza, José Luis Méndez Romeu, transmitiu aos alcaldes da Mancomunidade Arousa Norte o compromiso da Xunta de levar adiante o pulo das mancomunidades, algo que se fará a través de subvencións que estarán recollidas nos orzamentos do próximo ano.
O noso obxectivo é facilitar ás mancomunidades que se desenvolvan, que atendan servizos máis diversificados, asegurou Méndez Romeu. En relación coas áreas de competencia da Consellería de Presidencia, referiuse a eidos coma os das forzas de seguridade, da protección civil ou da xustiza de paz, nos que adiantou que se intentará, de acordo coas comunidades afectadas, atopar fórmulas que permitan aforro de custos e melloras na prestación de servizos.
Na reunión participaron os rexedores municipais de Boiro, José Deira Triñanes; Rianxo, Pedro Piñeiro Hermida; A Pobra do Caramiñal, Isaac Maceiras Rivas; e Ribeira, Xosé Luis Torres Colomer. O conselleiro afirmou que a Mancomunidade de Arousa Norte ten a vantaxe de estar poñendo en valor as formulas asociativas entre concellos, que son un dos obxectivos do Pacto Local: A medio desa estratexia de aunar esforzos cremos que se pode conseguir mellorar notablemente a prestación dos servizos públicos locais, nomeadamente os que teñen que ver cos abastecementos principais, coa recollida de lixo e con outras fórmulas relacionadas coa promoción económica e co turismo.
Policías locais
Doutra banda, Méndez Romeu adiantou que está previsto que a Xunta de Galicia e a Federación Galega de Municipios e Provincias (FEGAMP) pacten de forma definitiva o contido da futura Lei de Coordinación de Policías Locais, que definiu coma un texto chamado a modernizar profundamente un servizo que resulta fundamental en moitos concellos.
Será aí onde terán cumpridas as inquedanzas que hoxe nos transmitiron os concellos, mentres que a Xunta manterá as súas liñas de financiamento para a adquisición de vehículos, contratación de auxiliares e outras liñas de cooperación, explicou.
No que se refire aos concellos que compoñen a Mancomunidade Arousa Norte, o titular de Presidencia anunciou que no próximo mes de setembro se realizará, en colaboración co Centro de Estudos Xudiciais e Seguridade Pública de Galicia (CEXESGA), un curso de formación para os oitenta policías locais de Boiro, Rianxo, A Pobra do Caramiñal, e Ribeira nos propios concellos, o que suporá unha oportunidade de coñecer in situ as necesidades e os proxectos desta área tan dinámica.
O programa Radio na Biblio, que vai polo noveno ano en funcionamento, chega este curso a 245 centros de ensino que contan cun laboratorio de radio no que traballan as competencias vencelladas á alfabetización mediática, lingüísticas ou de expresión escrita e oral, entre outros. Con nove cursos en marcha, trátase dun programa consolidado que aproveita a posta en marcha dunha emisora de radio na biblioteca para traballar habilidades e destrezas e que permite o tratamento de contidos curriculares mediante metodoloxías activas e innovadoras que facilitan a aprendizaxe. Ademais, as actuais tecnoloxías da información e da comunicación facilitan o uso da radio como ferramenta pedagóxica de gran alcance para a difusión dos proxectos e iniciativas do centro educativo.
Tivo lugar a na cerimonia de entrega dos XVIII Premios Nacionais de Artesanía 2025, na que resultaron premiadas dúas candidaturas galegas. O artesán Aitor Martínez López de Arbina (Tomiño), especializado en tornería de madeira, resultou gañador na categoría Produto e a Fundación Artesanía de Galicia obtivo o recoñecemento na categoría Promociona para Entidades Públicas polo seu proxecto 'Artesanía no Prato'.
